ການອອກແຮງງານລວມ ເພື່ອສ້າງຂະບວນການຕ້ອນຮັບວັນຢຶດອໍານາດ

ເພື່ອສະເຫຼີມສະຫຼອງວັນຢຶດອໍານາດ ຄົບຮອບ 76 ປີ (23 ສິງຫາ 1945 – 23ສິງຫາ 2021)​ໃຫ້​ມີ​ຄວາມໝາຍ ຄວາມ​ສຳຄັນ ດັ່ງ​ນັ້ນ​ ໃນຕອນ​ບ່າຍ​ວັນ​ທີ 20 ສິງຫາ 2021 ໄດ້ສ້າງຂະບວນການອອກແຮງງານ ລວມຂື້ນ ​ມີ​ຄະນະ​ພັກ-ຄະນະ​ນຳ ພ້ອມ​ດ້ວຍ​ສະມາຊິກ​ກຳມະບານ ສະມາຊິກຊາວໜຸ່ມ,ສະມາຊິກສະຫະແມ່ຍິງ,ຄູ-ອາຈານ ,ພະນັກງານ​ , ຄະນະນິຕິສາດ ແລະ ລັດຖະສາດ ມຊ ​ເຂົ້າ​ຮ່ວມ​ຢ່າງ​ເປັນ​ຂະ​ບວນການ​ຟົດ​ຟື້ນ.

ການ​ອອກ​ແຮງ​ງານ​ຄັ້ງ​ນີ້ ​ໄດ້​ພ້ອມ​ກັນ​ເຮັດ​ຄວາມ​ສະອາດ​ອ້ອມ​ພາຍໃນຄະນະ ​​ເປັນ​ຕົ້ນ​ການ​ຕັດ​ຫຍ້າ, ຖາງຫຍ້າ, ອະນາ​ໄມ​ອ້ອມ​ຮອບ​ກຳ​ແພງດ້ານ​​ໃນຂອງຄະນະ ທັງ​ນີ້​ກໍ​ເພື່ອ​ເຮັດ​ໃຫ້​ສະຖານ​ທີ່​ພາຍ​ໃນ ຄະນະນິຕິສາດ ແລະ ລັດຖະສາດ ມຊ ໃຫ້​ມີ​ຄວາມ​ສະອາດ​ງາມ​ຕາ ​ແລະ ​ເປັນ​ການສະເຫຼີມສະຫຼອງວັນຢຶດອໍານາດ ຄົບຮອບ 76 ປີ (23 ສິງຫາ 1945 – 23ສິງຫາ 2021)​ ຢ່າງ​ເປັນ​ຂະ​ບວນການ​ຟົດ​ຟື້ນ.