ນັກສຶກສາປະລິນຍາໂທ ນິຕິສາດ ຮຸ່ນທີ 11

ໃນຕອນບ່າຍວັນທີ 18 ມັງກອນ 2022 ທີ່ຫ້ອງ B 10, ນັກສຶກສາປະລິນຍາໂທ ນິຕິສາດ ຮຸ່ນທີ 11 ຈໍານວນ 20 ທ່ານ ໄດ້ນໍາເອົາເຄື່ອງ LCD ຈໍານວນ 1 ເຄື່ອງ, ມູນຄ່າ 6,000,000 ກີບ (ຫົກລ້ານກີບ) ມາມອບໃຫ້ຄະນະຮັບຜິດຊອບຫຼັກສູດປະລິນຍາໂທນິຕິສາດ ເພື່ອນໍາໃຊ້ເຂົ້າໃນການຮຽນ-ການສອນລະດັບປະລິນຍາໂທ ໃຫ້ໄດ້ຮັບຜົນດີ ແລະ ມີປະສິດທິພາບ ຊຶ່ງຕາງໜ້ານັກສຶກສາກ່າວມອບໂດຍ ທ່ານ ແຈ້ງ ທະວີ, ປະທານຫ້ອງ ແລະ ກ່າວຮັບໂດຍທ່ານ ອຈ.ປທ. ບຸນຄົງ ເພັດດາວຮຸ່ງ ໂດຍຊ່ອງໜ້າທ່ານ ອຈ.ປອ. ສົມເດດ ແກ້ວວົງສັກ ຮອງຄະນະບໍດີ ຜູ້ຊີ້ນໍາວຽກງານວິຊາການ, ທ່ານ ອຈ.ປທ. ທັດສະນາລອນ ສີສຸນົນທ໌ ຫົວໜ້າພະແນກຈັດຕັ້ງ-ຄຸ້ມຄອງພະນັກງານ, ທ່ານ ປອ. ສີພາ ຈັນທະວົງ ຫົວໜ້າພະແນກການສຶກສາຫຼັງປະລິນຍາຕີ ແລະ ຄູອາຈານພາຍໃນພະແນກການສຶກສາຫຼັງປະລິນຍາຕີ ແລະ ນັກສຶກສາປະລິນຍາໂທນິຕິສາດ ຮຸ່ນທີ 11 ເຂົ້າຮ່ວມຢ່າງພ້ອມພຽງ. ໃນຕອນທ້າຍ, ທ່ານຮອງຄະນະບໍດີ ຍັງໄດ້ມອບໃບສົມມະນາຄຸນ ໃຫ້ນັກສຶກສາຮຸ່ນດັ່ງກ່າວຕື່ມອີກ.

ຮູບພາບ ແລະ ຂຽນຂ່າວໂດຍ: ປອ ສີພາ ຈັນທະວົງ