ຂໍ່ານັບຮັບຕ້ອນ ສົມເດດ ພຣະຣາຊາ ອັງຣີ ແຫ່ງ ຣາຊະອານາຈັກ ລຸກຊຳບວກ ແລະ ຄະນະ ຢ້ຽມຢາມ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ

ວັນທີ 06 ທັນວາ 2022, ສົມເດັດ ພະຣາຊາ ອັງຣີ ແຫ່ງຣາຊະອານາຈັກ ລຸກຊໍາບວກ ແລະ ຄະນະ ໄດ້ມາຢ້ຽມຢາມ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຖືກຕ້ອນຮັບໂດຍ ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ, ທ່ານ ຮສ. ໂພສີ ທິບດາວັນ ຮອງອະທິການບໍດີ ມະຫາວິທະຍາໄລແຫ່ງຊາດ,ທ່ານ ຮສ. ວຽງວິໄລ ທ່ຽງຈັນໄຊ ຄະນະບໍດີ , ທ່ານ ອຈ.ປອ. ສົມເດດ ແກ້ວວົງສັກ ຮອງຄະນະບໍດີ,ທ່ານ ອຈ. ບຸນຄົງ ເພັດດາວຮຸ່ງ, ທ່ານ ອຈ.ນາງ ທັດສະນາລອນ ສີສຸນ໌ນ ຮອງຄະນະບໍດີ, ,ທ່ານ ນາງ ເຂັມມະນີ ພົນເສນາ ຫົວໜ້າຫ້ອງວ່າການສຳນັກງານປະທານປະເທດ, ຫົວໜ້າພາກວິຊາ,ຫົວໜ້າພະແນກ, Dr. Lone Lindbolt LAO/031, Dr. Perrine Simon Liaison Officer for University of Luxembourg ພ້ອມດ້ວຍຄະນະຄູ-ອາຈານ ແລະ ນັກສຶກສາ ເຂົ້້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ, ສົມເດັດພະຣາຊາ ອັງຣີ ໄດ້ຮັບຟັງການລາຍງານ ກ່ຽວກັບ ການຈັດຕັ້ງປະຕິບັດໂຄງການສະໜັບສະໜູນການສິດສອນ ແລະ ຝຶກອົບຮົມກົດໝາຍ ເພື່ອສົ່ງເສີມການສ້າງລັດແຫ່ງກົດໝາຍຢູ່ ສປປລາວ ຈາກ ທ່ານ ຮສ.ວຽງວິໄລ ທ່ຽງຈັນໄຊ ຄະນະບໍດີ ຄະນະນິຕິສາດ ແລະ ລັດຖະສາດ, ທ່ານ ຮສ.ປອ. ພຸດ ສິມມາລາວົງ,ລັດຖະມົນຕີກະຊວງສຶກສາທິການ ແລະ ກິລາ ທ່ານໄດ້ມີຄໍາເຫັນ,ທ່ານ ແຟຼນຊ໌ ຟາຢົທ, ລັດຖະມົນຕີ ການຮ່ວມມືເພື່ອການພັດທະນາ ແລະ ການຊ່ວຍເຫຼືອດ້ານມະນຸດສະທໍາ ໄດ້ເນັ້ນເຖີງຄວາມສໍາຄັນຂອງການສ້າງລັດທີ່ປົກຄອງດ້ວຍກົດໝາຍ ແລະ ຜົນປະໂຫຍດໃນດ້ານບວກ ສໍາລັບປະເທດທີ່ີມີການສຶກສາທາງກົດໝາຍທີ່ມີຄຸນນະພາບ,ພ້ອມກັນນີ້, ກໍໄດ້ມີການແລກປ່ຽນຄຳຄິດຄຳເຫັນຖາມ-ຕອບ ຢ່າງສ້າງສັນ ລະຫວ່າງ ນັກສຶກສາ ແລະ ສົມເດັດ ພະຣາຊາ ອັງຣີ ແລະ ທ່ານ ລັດຖະມົນຕີ ຟຣັງ ຟາໂຢ ພ້ອມທັງໄດ້ຢ້ຽມຊົມຫໍສະໝຸດ ທັນສະໄໝ, ຫ້ອງຮຽນຕົວແບບ.

ຮູບພາບບັນຍາກາດເພີ້ມຕື່ມ