ການອອກແຮງງານລວມ ເພື່ອສ້າງຂະບວນການຕ້ອນຮັບວັນລັດຖະທຳມະນູນ ຄົບຮອບ 30 ປີ (ວັນທີ 15/08/1991- ວັນທີ 15 /08/ 2021 )

ເພື່ອສະເຫຼີມສະຫຼອງວັນສ້າງຕັ້ງລັດຖະທຳມະນູນ ຄົບຮອບ 30 ປີ (15 ສິງຫາ 1991 – 15 ສິງຫາ 2021​ໃຫ້​ມີ​ຄວາມໝາຍ ຄວາມ​ສຳຄັນ ດັ່ງ​ນັ້ນ​ ໃນຕອນ​ບ່າຍ​ວັນ​ທີ 06 ສິງຫາ 2021 ປະທານຄະນະບໍລິຫານງານກໍາມະບານຮາກຖານ ຄນລ ສົມທົບ 2 ອົງການຈັດຕັ້ງມະຫາຊົນ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ສ້າງຂະບວນການອອກແຮງງານ ລວມຂື້ນ ​ມີ​ຄະນະ​ພັກ-ຄະນະ​ນຳ ພ້ອມ​ດ້ວຍ​ສະມາຊິກ​ກຳມະບານ ສະມາຊິກຊາວໜຸ່ມ,ສະມາຊິກສະຫະແມ່ຍິງ,ຄູ-ອາຈານ ,ພະນັກງານ​ ແລະ ນັກສຶກສາ ຄະນະນິຕິສາດ ແລະ ລັດຖະສາດ ມຊ ​ເຂົ້າ​ຮ່ວມ​ຢ່າງ​ເປັນ​ຂະ​ບວນການ​ຟົດ​ຟື້ນ.

ການ​ອອກ​ແຮງ​ງານ​ຄັ້ງ​ນີ້ ​ໄດ້​ພ້ອມ​ກັນ​ເຮັດ​ຄວາມ​ສະອາດ​ອ້ອມ​ພາຍໃນຄະນະ ​​ເປັນ​ຕົ້ນ​ການ​ຕັດ​ຫຍ້າ, ຖາງຫຍ້າ, ອະນາ​ໄມ​ອ້ອມ​ຮອບ​ກຳ​ແພງດ້ານ​​ໃນຂອງຄະນະ ທັງ​ນີ້​ກໍ​ເພື່ອ​ເຮັດ​ໃຫ້​ສະຖານ​ທີ່​ພາຍ​ໃນ ຄະນະນິຕິສາດ ແລະ ລັດຖະສາດ ມຊ ໃຫ້​ມີ​ຄວາມ​ສະອາດ​ງາມ​ຕາ ​ແລະ ​ເປັນ​ການສະເຫຼີມສະຫຼອງວັນສ້າງຕັ້ງລັດຖະທຳມະນູນ ຄົບຮອບ 30 ປີ (15 ສິງຫາ 1991 – 15 ສິງຫາ 2021) ຢ່າງ​ເປັນ​ຂະ​ບວນການ​ຟົດ​ຟື້ນ.