ກອງປະຊຸມຄະນະກໍາມະການບໍລິຫານຄະນະນິຕິສາດ ແລະ ລັດຖະສາດປະຈຳສົກສຶກສາ 2020-2021

ໃນວັນທີ 27 ຕຸລາ 2021 ທີ່ຜ່ານມາ, ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມຄະນະກຳມະການບໍລິຫານປະຈໍາສົກສຶກສາ 2020-2021 ແລະ ແຜນການປະຈໍາສົກສຶກ  ສາ 2021-2022 ຂອງຄະນະກໍາມະການບໍໍລິຫານ ຜ່ານລະບົບອອນລາຍ,ໂດຍການເປັນປະທານຮ່ວມຂອງທ່ານ ຮສ ໂພ​ສີ ທິບ​ດາ​ວັນ ​ຮອງອະທິການບໍດີ ມະຫາວິທະຍາໄລແຫ່ງຊາດ,ທ່ານ   ຮສ ວຽງວິໄລ ທ່ຽງຈັນໄຊ ຄະນະບໍດີ,ມີບັນດາສະມາຊິກກໍາມະການບໍລິຫານເຂົ້າຮ່ວມກອງປະຊຸມປະກອບດ້ວຍ ບັນດາທ່ານຮອງຄະນະບໍດີ, ຫົວໜ້າພາກວິຊາ,ຫົວໜ້າພະແນກ, ຜູ້ຕາງໜ້າຈາກ 3 ອົງການຈັດຕັ້ງມະຫາຊົນ, ຫົວໜ້າສູນ, ຫົວໜ້າປ້ອງກັນ ແລະ ພະນັກງານບໍລິຫານ ລວມທັງໝົດ …30 ທ່ານ ເປັນຍິງ 10…ທ່ານ.

ໃນກອງປະຊຸມໄດ້ຮັບຟັງການຜ່ານບົດສະຫຼຸບປະຈຳສົກສຶກສາ 2020 -2021 ແລະ ແຜນການປະຈຳສົກສຶກສາ 2021-2022 ຂອງທ່ານ ອາຈານ ບຸນຄົງ ເພັດດາວຮຸ່ງ ຮອງຄະນະບໍດີ ຝ່າຍບໍລິຫານ; ພ້ອມດຽວກັນນັ້ນກໍ່ໄດ້ຮັບຟັງການປະກອບຄໍາຄິດຄໍາເຫັນເຈາະຈິ້ມຂອງຄະນະກໍາມະການບໍໍລິຫານຈາກພາກສ່ວນຕ່າງໆໃສ່ບົດສະຫຼຸບປະຈໍາສົກສຶກສາ 2020-2021 ແລະ ແຜນການປະຈໍາສົກສຶກ  ສາ 2021-2022;

ໃນໂອກາດນີ້ ທ່ານ ຮສ ໂພ​ສີ ທິບ​ດາ​ວັນ​ ຮອງອະທິການບໍດີ ມະຫາວິທະຍາໄລແຫ່ງຊາດ,ໄດ້ໂອ້ລົມ,ມີຄໍາເຫັນ ນອກຈາກນີ້ ທ່ານກໍ່ຍັງໄດ້ຮຽກຮ້ອງໃຫ້ສະມາຊິກກໍາມະການບໍລິຫານທຸກ​ທ່ານຈົ່ງເພີ້ມທະວີຄວາມເປັນເຈົ້າການໃນການຈັດຕັ້ງປະຕິບັດແຜນພັດທະນາປະຈໍາສົກສຶກສາ 2021-2022 ໃນ​ທຸກໆ​ດ້ານຂອງຄະນະນິຕິສາດ ແລະ ລັດຖະສາດ ຢ່າງມີປະສິດທິຜົນ ;

ກອງປະຊຸມຄະນະກໍາມະການບໍລິຫານ ຄນລ ໄດ້ປິດລົງໃນຕອນບ່າຍ ຂອງວັນທີ 27ຕຸ​ລາ 2021 ດ້ວຍຜົນສໍາເລັດອັນຈົບງາມ;