ຫຼັກສູດ: ປະລິນຍາຕີ 4 ປີ
ຄະນະນິຕິສາດ ແລະ ລັດຖະສາດ
University of lao
ນິຍາມ ແລະ ຄວາມສຳຄັນ
ກົດຫມາຍແພ່ງ ຫມາຍເຖິງຂໍ້ບັງຄັບທີ່ໄດ້ກໍານົດອອກ ເຊິ່ງກ່ຽວຂ້ອງ ເຖິງສິດ ແລະ ຜົນປະໂຫຍດທາງດ້ານຊັບສິນຂອງຄົນໃນສັງຄົມ ທີ່ຕ້ອງໄດ້ຮັບການເຄົາລົບ ແລະ ປະຕິບັດຕາມ ເຊັ່ນ: ຂໍ້ກໍານົດກ່ຽວການຄຸ້ມຄອງຊັບສິນ, ສາຍພົວພັນໃນຄອບຄົວ ແລະ ສາຍພົວພັນໃນການດໍາເນີນທຸລະກິດ. ກົດຫມາຍແພ່ງ ມີຄວາມສໍາຄັນຕໍ່ຂົງເຂດການພັດທະນາທາງດ້ານເສດຖະກິດ-ສັງຄົມ, ຊຸກຍູ້ໃຫ້ພົນລະເມືອງເຄົາລົບກົດຫມາຍ ແລະ ລະບຽບການປະພຶດ ທີ່ຍຸຕິທໍາ ເພື່ອການຢູ່ຮ່ວມກັນໃນສັງຄົມຢ່າງເປັນລະບຽບຮຽບຮ້ອຍ.
ວິຊານີ້ຮຽນກ່ຽວກັບຫຍັງ?
ສາຂານີ້ຮຽນກ່ຽວກັບມາດຕະການຕ່າງໆອັນເປັນການປົກປ້ອງສິດ ແລະ ຜົນປະໂຫຍດຂອງບຸກຄົນ, ນິຕິບຸກຄົນ ແລະ ອົງການຈັດຕັ້ງຂອງ ລັດທີ່ກ່ຽວຂ້ອງກັບຊັບສິນ. ສຶກສາເຖິງຄວາມຫມາຍ, ຄວາມສໍາຄັນ, ປະເພດ, ເງື່ອນໄຂ ແລະ ຂໍ້ຜູກພັນຂອງສັນຍາ; ການປະຕິບັດສິດ ແລະ ພັນທະທາງແພ່ງ ເຊັ່ນ: ການປະຕິບັດຕາມສັນຍາ. ນອກນັ້ນ, ຍັງໄດ້ຮຽນກ່ຽວກັບຂັ້ນຕອນໃນການດໍາເນີນຄະດີແພ່ງ, ສິດ ແລະ ຫນ້າທີ່ ຂອງບັນດາຜູ້ເຂົ້າຮ່ວມໃນສາຍພົວພັນທາງແພ່ງ ແລະ ພື້ນຖານຄວາມຮັບຜິດຊອບທາງແພ່ງທີ່ຕ້ອງໄດ້ປະຕິບັດ.
ວິທີ່ການສິດສອນ
ການສິດສອນສາຂາວິຊານີ້ ແມ່ນມີການບັນລະຍາຍທາງດ້ານທິດສະດີ ແລະ ເຫດການຕົວຈິງຂອງສະພາບສັງຄົມ, ມີການຕັ້ງບັນຫາ ແລະ ຈໍາລອງຄະດີທີ່ຄ້າຍຄືກັບສະພາບຕົວຈິງ ເພື່ອໃຫ້ນັກສຶກສາໄດ້ມີການ ສົນທະນາ ແລະ ຄົ້ນຄວ້າ ເຖີງວິທີການໃນການແກ້ໄຂຄະດີດັ່ງກ່າວ. ນອກນັ້ນ, ຍັງມີການໄປທັດສະນະສຶກສາ ແລະ ການຝຶກງານຢູ່ຕາມບັນດາຫ້ອງການທີ່ກ່ຽວຂ້ອງກັບການຈັດຕັ້ງປະຕິບັດກົດຫມາຍແພ່ງ ເຊັ່ນ: ກະຊວງຍຸດຕິທໍາ, ສານປະຊາຊົນ, ໄອຍາການປະຊາຊົນ ແລະ ອື່ນໆ.
ທັກສະ ແລະ ຄວາມສົນໃຈ
ຄວາມຮູ້ພື້ນຖານດ້ານສັງຄົມສາດ ເປັນຕົ້ນແມ່ນ ວິຊາສຶກສາພົນລະເມືອງ, ປະຫວັດສາດ ແລະ ພາສາລາວ. ຕ້ອງເປັນຄົນຊື່ສັດບໍລິສຸດ, ມີຄວາມຍຶດຫມັ້ນຕໍ່ຄວາມຖຶກຕ້ອງ ແລະ ຄວາມຍຸຕິທໍາ;ມັກຊອກຮູ້ວິທີໃນການແກ້ໄຂບັນຫາໃນສັງຄົມຢ່າງມີເຫດມີຜົນ ແລະ ຍຸຕິທໍາ. ມີຄວາມສົນໃຈໃນຂົງເຂດທີ່ກ່ຽວຂ້ອງກັບ ກົດຫມາຍແພ່ງ ທີ່ຕິດພັນກັບການພົວພັນລະຫ່ວາງຄົນທີ່ດໍາລົງຊີວິດ ໃນສັງຄົມ
ຈົບແລ້ວສາມາດ
ນັກສຶກສາຈະມີຄວາມຮູ້ກ່ຽວກັບຂັ້ນຕອນໃນການແກ້ໄຂຂໍ້ຂັດແຍ່ງ ແລະ ວິທີການດໍາເນີນຄະດີທາງແພ່ງເປັນຕົ້ນ ແລະ ຮູ້ຈັກວິທີຂຽນ ເອກະສານການດໍາເນີນຄະດີ. ສາມາດນໍາໃຊ້ຫຼັກການຂອງກົດຫມາຍ ແພ່ງຢ່າງຖືກຕ້ອງເຂົ້າໃນການປະຕິບັດວຽກງານກ່ຽວກັບການແກ້ໄຂ ຂໍ້ຂັດແຍ່ງທາງດ້ານແພ່ງ, ໃຊ້ກົດຫມາຍເຂົ້າໃນ ການດໍາລົງຊີວິດ ຕົວຈິງ ທີ່ມີການພົວພັນກັບບຸກຄົນອື່ນໃນສັງຄົມ ເຊັ່ນ: ການເຂົ້າຮ່ວມສັນຍາຕ່າງໆ
ອາຊີບ
ພາຍຫຼັງຈົບການສຶກສາ ນັກສຶກສາ ສາມາດປະກອບອາຊີບ ເປັນນັກວິຊາການໃນຂົງເຂດຍຸຕິທໍາ ຫຼື ນັກກົດຫມາຍໃນອົງກອນຂອງລັດຖະບານ ແລະ ເອກະຊົນ. ສາມາດປະກອບອາຊີບທີ່ເຮັດວຽກກ່ຽວຂ້ອງກັບການດໍາເນີນຄະດີແພ່ງ ເຊັ່ນ: ທະນາຍຄວາມ, ຕໍາຫຼວດ, ໄອຍາການ, ຜູ້ພິພາກສາ ແລະ ອື່ນໆ. ນອກນັ້ນ, ນັກສຶກສາຍັງສາມາດເປັນທີ່ປຶກສາທາງດ້ານກົດຫມາຍ ໄດ້ອີກດ້ວຍ
ສະຖານທີ່ຕັ້ງ
ຄະນະ ນິຕິສາດ ແລະ ລັດຖະສາດ
ວິທະຍາເຂດດອນນົກຂຸ້ມ ມະຫາວິທະຍາໄລແຫ່ງຊາດ
ຖະໜົນມິດຕະພາບລາວ-ໄທ, ບ້ານ ດອນນົກຂູ້ມ, ເມືອງສີສັກຕະນາກ, ນະຄອນຫຼວງວຽງຈັນ
ຕູ້ ປ.ນ 822. ໂທ: 021 312010 ຫຼື 352801, ແຟັກ: 021 314976
ອີເມວ: flpnuol@yahoo.com
ວິຊາຮຽນ
ໝວດຄວາມຮູ້ພື້ນຖານ
- ຊີວະເຄມີທາງສັດຕະວະແພດ
- ຄັບພະວິທະຍາທາງສັດຕະວະແພດ
- ການປັບປຸງພັນສັດ ແລະ ພະຍາດທາງກໍາມະພັນ
- ພືດເປັນຢາ
- ພຶດຕິກໍາ, ການຄວບຄຸມສັດ ແລະ ການລ້ຽງສັດ
- ວິຊາສັດຕະວະແພດທົ່ວໄປ
- ການຜະລິດສັດໃຫຍ່
- ການຜະລິດສັດນໍ້າ
- ສຸຂະພາບສັດລ້ຽງ
ໝວດຄວາມຮູ້ວິຊາສະເພາະສັດຕະວະແພດ
- ສະລີລະສາດສັດຕະວະແພດ
- ຈຸລະຊີວະວິທະຍາທາງສັດຕະວະແພດ
- ກາຍຍະວິພາກສັດຕະວະແພດ
- ໄວຣັສວິທະຍາທາງສັດຕະວະແພດ ຫຼື ຈຸລະໂລກ
- ພູມຕ້ານວິທະຍາທາງສັດຕະວະແພດ
- ກາຝາກທາງສັດຕະວະແພດ
- ການຢາສັດຕະວະແພດ
- ພະຍາດວິທະຍາທົ່ວໄປທາງສັດຕະວະແພດ
- ແມງໄມ້ ແລະ ໂປໂຕຊົວທາງສັດຕະວະແພດ
- ພະຍາດວິທະຍາສະເພາະລະບົບທາງສັດຕະວະແພດ
- ພະຍາດຕິດແປດສັດໃສ່ຄົນ
- ພຶດວິທະຍາທາງສັດຕະວະແພດ
- ລັງສີວິທະຍາທາງສັດຕະວະແພດ
- ປະດຸງຄັນທາງສັດຕະວະແພດ
- ການປີ່ນປົວສັດນ້ອຍ
- ການປີ່ນປົວສັດຄ້ຽວເອື້ອງ
- ກວດກາອະນາໄມຊີ້ນ ແລະ ຜະລິດຕະພັນສັດ
- ສັນຍາກໍາສັດໃຫຍ່
- ການປີ່ນປົວໝູ
- ການປີ່ນປົວປາ ແລະ ສັດຕ່າງໆ
- ລະບາດວິທະຍາ ແລະ ຊີວະສະຖິຕິ
- ວິທະຍາການປະສົມພັນສັດ
- ການປີ່ນປົວສັດປີກ
