ຄະນະນິຕິສາດ ແລະ ລັດຖະສາດ ມຊ ຕ້ອນຮັບ ຄະນະອາຈານ ແລະ ນັກສຶກສາ ປະລິນຍາໂທ ຈາກ ຄະນະວິສາຫະການ ສາຂາ ນິຕິສາດ ມະຫາວິທະຍາໄລຂອນແກ່ນ ວິທະຍາເຂດ ໜອງຄາຍ ຣາຊາອານາຈັກໄທ

ວັນທີ 27 ສິງຫາ 2022 ຄະນະນິຕິສາດ ແລະ ລັດຖະສາດ ມຊ ຕ້ອນຮັບ ຄະນະອາຈານ ແລະ ນັກສຶກສາ ປະລິນຍາໂທ ຈາກ ຄະນະວິສາຫະການ ສາຂາ ນິຕິສາດ ມະຫາວິທະຍາໄລຂອນແກ່ນ ຣາຊາອານາຈັກໄທ ໂດຍ ທ່ານຮອງສາດສະດາຈານ ວຽງວິໄລ ທ່ຽງຈັນໄຊ ຄະນະບໍດີ ຄະນະນິຕິສາດ ແລະ ລັດຖະສາດ ມຊ ປະທານໃນພິທີ ພ້ອມດ້ວຍ ດຣ. ສູນທະລີ ບູນສິດຊົນ  (Asst. Prof.Dr. Santarem BUCHITCHON) ຮອງຄະນະບໍດີ ຄະນະວິສາຫະການ ສາຂາ ນິຕິສາດ ມະຫາວິທະຍາໄລຂອນແກ່ນ ວິທະຍາເຂດ ໜອງຄາຍ ຣາຊາອານາຈັກໄທ ມີບັນດາ ຄູອາຈານ ແລະ ນັກສຶກສາ ທັງສອງ ຄະນະເຂົ້າຮ່ວມຢ່າງພ້ອມພຽງ.

ຈຸດປະສົງທັງສອງຄະນະເພື່ອສຳມະນາແລກປ່ຽນທາງວິຊາການລະຫວ່າງກົດໝາຍທັງສອງຝ່າຍເປັນຄັ້ງທຳອິດ,ໂດຍອາຈານທັງສອງຝ່າຍເບີ່ງເຫັນວ່າໃນອະນາຄົດໜ້າຈະມີການເຮັດຂໍ້ຕົກລົງຮ່ວມກັນໃນການພັດທະນາກິດຈະກຳການຮຽນການສອນທາງນິຕິສາດທາງສອງຄະນະ ຄື : ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດລາວ ແລະ ນິຕິສາດ ມະຫາວິທະຍາໄລຂອນແກ່ນ ວິທະຍາເຂດ ໜອງຄາຍ ,ນັກສຶກສາປະລິນາຍາໂທທ່ານໜື່ງໄດ້ກ່າວວ່າ ໃນການຮ່ວມມືແລກປ່ຽນທາງວິຊາການຄັ້ງນີ້ຖຶວ່າເປັນປະໂຫຍດຫລາຍເຮັດໃຫ້ນັກສຶກສາທັງສອງຝ່າຍ ມີໂອກາດໄດ້ແລກປ່ຽນຮຽນຮູ້ໃນລະບົບກົດໝາຍ ແລະ ຂະບວນການຍຸຕິທໍາຂອງທັງສອງປະເທດໄດ້ເບີ່ງເຫັນທາງດ້ານກົດໝາຍທີ່ແຕກຕ່າງຂອງສອງລະບົບການປົກຄອງ ສາມາດປຽບທຽບທັງສອງປະເທດນໍາໄປປະກອບການສຶກສາໃນຫລັກສູດ ໂດຍສະເພາະການເຮັດວິໄຈທາງດ້ານກົດໝາຍຂອງນັກສຶກສາ .

ພາບບັນຍາກາດ