ກອງປະຊຸມຄະນະກຳມະການບໍລິຫານ ປະຈໍາສົກສຶກສາ 2021-2022 ແລະ ທິດທາງແຜນການປະຈໍາປີ 2022-2023

ກອງປະຊຸມຄະນະກຳມະການບໍລິຫານ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ປະຈໍາປີ 2021-2022 ໄດ້ໄຂຂື້ນຢ່າງເປັນທາງການໃນເຊົ້າຂອງວັນທີ 22 ກັນຍາ 2022 ກອງປະຊຸມໄດ້ດຳເນີນເປັນເວລາ ສາມ ວັນ ທີ່ຫ້ອງປະຊຸມ ຖິ່ນແກ້ວ ລີ່ສອດນາປາກກວາງ, ເມືອງແກ້ວອຸດົມ,ແຂວງວຽງຈັນ ພາຍໃຕ້ການເປັນປະທານຂອງທ່ານ ຮອງສາດສະດາຈານ ວຽງວິໄລ ທ່ຽງຈັນໄຊ ຄະນະບໍດີ ຄະນະນິຕິສາດ ແລະ ລັດຖະສາດ ເຊີ່ງມີສະມາຊິກເຂົ້າຮ່ວມໃນກອງປະຊຸມດັ່ງກ່າວມີ ທ່ານ ຮອງຄະນະບໍດີ,ຫົວໜ້າພາກວິຊາ,ຫົວໜ້າພະແນກ,ຕ່າງໜ້າສາມອົງການຈັດຕັ້ງ ແລະ ສູນ,ພະນັກງານບໍລິຫານ ທັງໝົດມີຈໍານວນ 28 ທ່ານ ໃນນັ້ນມີຍິງ12 ທ່ານ ຄະນະກຳມະການບໍລິຫານໄດ້ຮັບຮອງ ແລະ ເປັນເອກະສັນໃນການພິຈາລະນາບັນຫາຕ່າງໆດັ່ງນີ້:

1. ໄດ້ຮັບຟັງການຜ່ານບົດສະຫຼຸບປະຈຳປີ2021-2022 ແລະ ແຜນການປະຈໍາປີ 2022-2023ຂອງທ່ານ ປທ. ບຸນຄົງ ເພັດດາວຮຸ່ງ ຮອງຄະນະບໍດີຝ່າຍບໍລິຫານ
2. ໄດ້ຮັບຟັງການປະກອບຄໍາເຫັນໃສ່ບົດສະຫຼຸບປະຈໍາປີ 2021-2022  ແລະ ແຜນການປະຈຳປີ 2022-2023 ຂອງຄະນະກໍາມະການບໍລິຫານ
3. ໄດ້ຮັບຟັງບົດສະຫຼຸບສັງລວມຜົນງານອັນພົ້ນເດັ່ນທາງດ້ານວິຊາການປະຈໍາປີ2021-2022 ແລະທິດທາງແຜນການປະຈໍາປີ 2022-2023 ຂອງ ທ່ານ ອຈ.ປອ. ສົມເດດ ແກ້ວວົງສັກ ຮອງຄະນະບໍດີ ຝ່າຍວິຊາການ
4. ໄດ້ຮັບຟັງການປະກອບຄໍາເຫັນໃສ່ວຽກງານວິຊາການ ໂດຍທ່ານສຳມະຊິກຄະນະກຳມະການບໍລິຫານ
5. ໄດ້ຮັບຟັງການລາຍງານວຽກງານການເງີນ ແລະ ຊັບສິນ ຂອງ ທ່ານ ປທ. ກອງມາ ຫົວໜ້າການເງີນ ແລະ ຊັບສິນ
6. ໄດ້ຮັບຟັງການລາຍງານ ແລະ ສະເໜີ ຮ່າງຂໍ້ຕົກລົງການຈັດຕັ້ງການເຄື່ອນໄຫວຂອງວຽກງານ ຄນລ ໂດຍທ່ານ ອຈ. ທັດສະນາລອນ ສີສຸນ໌ນ ຮອງຄະນະບໍດີ ຝ່າຍຊີ້ນໍາພະແນກຈັດຕັ້ງຄຸ້ມຄອງພະນັກງານ ແລະ ພະແນກກິດຈະກຳ

ໃນໂອກາດກອງປະຊຸມດັ່ງກ່າວ ທ່ານ ຮສ.ວຽງວິໄລ ທ່ຽງຈັນໄຊ ຄະນະບໍດີ ທ່ານ ໄດ້ມີຄໍາເຫັນບາງຕອນທີ່ວ່າ ຕີລາຄາລວມເຫັນວ່າ ການເຄື່ອນໄຫວວຽກງານຂອງພວກເຮົາ ມີປະສິດທິພາບໃນລະດັບສູງສົມຄວນ ຖ້າວ່າສົມທຽບໃສ່ການປະຕິບັດໃນໄລຍະຜ່ານມາ ແລະ ການເຄື່ອນໄຫວກິດຈະກຳຕ່າງໆທີ່ພວກເຮົາຄາດໄວ້ໃນສົກປີກາຍ,ຂໍເວົ້າພາບລວມອັນທີໜື່ງ ບັນຫາເລື່ອງການພັດທະນາຄະນະວິຊາ,ເວົ້າເລື່ອງກົງຈັກຢູ່ຄະນະເຮົາຍັງຂາດ ພະນັກງານບໍພໍ ທັງພາກສ່ວນພາກວິຊາ ແລະ ຂະແໜງການ,ອັນທີສອງ ແມ່ນລະບອບວິທີເຮັດວຽກ ອາຈານຕ້ອງໄດ້ເບີງຄືນໜ້າວຽກຂອງຕົນເອງ ໃຫ້ໄປຕາມກົນໄກການບໍລິຫານທີດີ,ອັນທີສາມ ພວກອາຈານກໍ່ໄດ້ສະເໜີເລືອງໂຄງລ່າງ,ຫ້ອງການ,ອຸປະກອນຮັບໃຊ້ຕ່າງໆ ຂໍມອບໃຫ້ທັງຝ່າຍບໍລິຫານ ແລະ ຄະນະພວກເຮົາກໍ່ຈະໄດ້ເບີ່ງນໍາກັນຄວນເໜາະຄວນສົມແບບໃດ,ຈັດສັນແບບໃດ ແລະ ຕາມຄວາມສາມາດທີ່ເຮົາມີ,ທັງຄະນະພວກເຮົາກໍ່ເປັນຫ່ວງເປັນໄຍອາຈານທຸກທ່ານ, ມາຮອດນີ້ຂໍຖຶໂອກາດອອຍໄຊໃຫ້ພອນທຸກໆທ່ານ ຄະນະກຳມະການບໍລິຫານທຸກຄົນຈົ່ງມີແຕ່ຄວາມຜາສຸກສຸຂະພາບແຂງແຮງ ສືບຕໍ່ປະຕິບັດໜ້າທີ່ດ້ວຍຄວາມຮັບຜິດຊອບ ແລະ ປະສົບຜົນສຳເລັດຕາມລະດັບຄາດໝາຍ.

ພາບບັນຍາກາດ