ການແຂ່ງຂັນຖາມ-ຕອບຄວາມຮູ້ກ່ຽວກັບອາຊຽນ ຫຼື 𝗧𝗵𝗲 𝟵𝘁𝗵 𝗔𝗦𝗘𝗔𝗡 𝗤𝘂𝗶𝘇

ຜ່ານໄປແລ້ວກັບການແຂ່ງຂັນຖາມ-ຕອບຄວາມຮູ້ກ່ຽວກັບອາຊຽນ ຫຼື 𝗧𝗵𝗲 𝟵𝘁𝗵 𝗔𝗦𝗘𝗔𝗡 𝗤𝘂𝗶𝘇 ຂອງພວກເຮົາ ໃນວັນທີ 𝟮𝟰-𝟮𝟱 ກັນຍາ 𝟮𝟬𝟮𝟮

     ໃນວັນເສົາ, 𝟮𝟰 ກັນຍາ 𝟮𝟬𝟮𝟮 ແມ່ນມື້ເປີດງານຢ່າງເປັນທາງການ ໂດຍພາຍໃນງານ ໄດ້ມີການບັນຍາຍສຸດພິເສດຈາກ ‘ທ່ານ ສຸກສາຄອນ ແກ້ວພິລາ ຮອງຫົວໜ້າພະແນກເສດຖະກິດອາຊຽນ, ກົມອາຊຽນ ກະຊວງການຕ່າງປະເທດ ສປປ ລາວ ພາຍໃຕ້ຫົວຂໍ້ “ ແຜນການພັດທະນາທາງດ້ານເສດຖະກິດຂອງ ບັນດາກຸ່ມປະເທດສະມາຊິກອາຊຽນ ພາຍຫຼັງການແຜ່ລະບາດຂອງພະຍາດໂຄວິດ – 𝟭𝟵 “ ຫຼື “ 𝗘𝗰𝗼𝗻𝗼𝗺𝗶𝗰 𝗗𝗲𝘃𝗲𝗹𝗼𝗽𝗺𝗲𝗻𝘁 𝗣𝗹𝗮𝗻𝘀 𝗼𝗳 𝗔𝗦𝗘𝗔𝗡 𝗖𝗼𝘂𝗻𝘁𝗿𝗶𝗲𝘀 𝗔𝗳𝘁𝗲𝗿 𝘁𝗵𝗲 𝗖𝗼𝘃𝗶𝗱 – 𝟭𝟵 𝗣𝗮𝗻𝗱𝗮𝗺𝗶𝗰 “

     ວັນທີ 𝟮𝟱 ກັນຍາ 𝟮𝟬𝟮𝟮 ກົງກັບວັນອາທິດ ແມ່ນມື້ຂອງການແຂ່ງຂັນຖາມ-ຕອບ ຂອງພວກເຮົາ ໂດຍໃນປີນີ້, ງານການແຂ່ງຂັນຂອງພວກເຮົາກໍເຕັມໄປດ້ວຍບັນຍາກາດອັນຟົດຟື້ນ ແລະ ມ່ວນຊື່ນ. ອີກທັງພາຍໃນງານກໍຍັງໄດ້ມີການວາງສະແດງບູທທີ່ຈັດຂຶ້ນພາຍໃຕ້ການສະໜັບສະໜູນຂອງບັນດາສະຖານທູດປະເທດສະມາຊິກອາຊຽນ ເຊິ່ງພາຍໃນບູທໄດ້ມີການຕົບແຕ່ງຂຶ້ນຢ່າງມີເອກະລັກຂອງແຕ່ລະປະເທດ. ພ້ອມກັນນັ້ນ, ບູທຂອງພວກເຮົາຍັງມີກິດຈະກຳໃຫ້ບັນດາແຂກທີ່ເຂົ້າຮ່ວມໄດ້ຫຼິ້ນ ເພື່ອລຸ້ນຮັບຂອງແຈກເລັກໆນ້ອຍໆທີ່ເຮັດຂຶ້ນໂດຍທີມງານຂອງພວກເຮົາເອງ

ໃນທີ່ສຸດເຮົາກໍໄດ້ຜູ້ຊະນະຂອງທັງ 2 ລະດັບ:

ລະດັບມັດທະຍົມ

ອັນດັບທີ 1 ນາງ ວິພາວີ ວໍລະສານ

ອັນດັບທີ 2 ນາງ ພິນພະນາ ວິຜົນຮຽນ

ອັນດັບທີ 3 ທ້າວ ສຸລິເດດ ຈັນທະລາສີ

ລະດັບມະຫາວິທະຍາໄລ

ອັນດັບທີ 1 ນາງ ມີນາ ແກ້ວມະນີ

ອັນດັບທີ 2 ທ້າວ ວຸດທິພົງ ພັນທະວົງສີ

ອັນດັບທີ 3 ນາງ ວາດສະໜາ ສີໃສ

     ທ້າຍສຸດນີ້, ທາງຄະນະຜູ້ຈັດງານຂອງພວກເຮົາ ຕ້ອງຂໍຂອບໃຈມາຍັງບັນດາຜູ້ເຂົ້າຮ່ວມຟັງບັນຍາຍ ແລະ ຜູ້ເຂົ້າແຂ່ງຂັນໝົດທຸກຄົນ ທີ່ໃຫ້ກຽດເສຍສະຫຼະເວລາອັນມີຄ່າເຂົ້າຮ່ວມງານຂອງພວກເຮົາໃນຄັ້ງນີ້ ຂໍຂອບໃຈ

ຂໍ້ມູນຈາກ : ພາກວິຊາພົວພັນສາກົນ

ພາບບັນຍາກາດເພີ້ມຕື່ມ