ກອງປະຊຸມສ້າງຄວາມເຂັ້ມແຂງເພື່ອການບໍລິຫານ ແລະ ພັດທະນາວຽກງານຮ່ວມມືສາກົນ

ວັນທີ 22-24 /06 / 2019 ໜ່ວຍງານພິທີການ ແລະ ການຮ່ວມມື ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດໄດ້ຈັດກອງປະຊຸມສ້າງຄວາມເຂັ້ມແຂງເພື່ອການບໍລິການ ແລະ ພັດທະນາວຽກງານຮ່ວມມືສາກົນໃຫ້ຄະນະປະສານງານຂອງຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດໃຫ້ກຽດເປັນປະທານໂດຍ ທ່ານ ຮສ ວຽງວິໄລ ທ່ຽງຈັນໄຊ ຄະນະບໍດີ ຄະນະນິຕິສາດ ແລະ ລັດຖະສາດ,ເຊີ່ງໃຫ້ກຽດເຂົ້າຮ່ວມໂດຍ ທ່ານ ຮສ ປອ ຮຸ່ງເພັດ ຈັນທະວົງ ຮອງອະທິການບໍດີ ມະຫາວິທະຍາໄລແຫ່ງຊາດ ຜູ້ຊີນຳວຽກງານພົວພັນຕ່າງປະເທດ,ໃຫ້ກຽດບັນລະຍາຍໃນກອງປະຊຸມຄັ້ງນີ້ໂດຍ ທ່ານ ຮສ ປອ ແສງເດືອນ ໄວຍະກອນ ຫົວໜ້າຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ, ທ່ານ Reginal Pastrena ຫົວໜ້າທີ່ປຶກສາໂຄງການລາວ/031 ,ນອກນັ້ນຍັງມີ ທ່ານ ຮອງຄະນະບໍດີ,ຫົວໜ້າພາກວິຊາ,ຮອງພາກວິຊາ,ຫົວໜ້າພະແນກ,ຄະນະທີມງານໂຄງການລາວ/031 ,ຄະນະຮັບຜິດຊອບການຮ່ວມມື ແລະ ຕ່າງໜ້າຈາກພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມຄັ້ງນີ້ດ້ວຍ,ຈຸດປະສົງກອງປະຊຸມຄັ້ງນີ້ ເພື່ອຜ່ານບົດສະຫຼຸບວຽກງານຮ່ວມມື 2018 – 2019 ແລະ ທິດທາງແຜນການປີ 2019 – 2020 ແລະ ປຶກສາຫາລືວຽກງານຂອງຄະນະຮັບຜິດຊອບຂອງ ຄະນະນິຕິສາດ ແລະ ລັດຖະສາດ ໃນການຈັດຕັ້ງປະຕິບັດວຽກງານໃຫ້ມີປະສິດທິພາບ ແລະ ປະສິດທິຜົນ.