ຄນລ ຈັດກອງປະຊຸມ ເຜີຍແຜ່ເຊື່ອມຊຶມ 3 ເອກະສານສຳຄັນຂອງພັກ ການຮ່ວມຊິວິດການເມືອງຂອງສະມາຊິກພັກແຕ່ລະໜ່ວຍພັກ ຜ່ານທາງລະບົບອອນລາຍ

ໃນຕອນເຊົ້າຂອງວັນທີ 19 ພະຈິກ 2021. ຢູ່ທີ່ຫ້ອງປະຊຸມB10 ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມ ເຜີຍແຜ່ເຊື່ອມຊຶມ 3 ເອກະສານສຳຄັນຂອງພັກ ການຮ່ວມຊິວິດການເມືອງຂອງສະມາຊິກພັກແຕ່ລະໜ່ວຍພັກ ຜ່ານທາງລະບົບອອນລາຍ, ໂດຍພາຍໃຕ້ການເປັນປະທານ ຂອງ ສະຫາຍ ຮສ ວຽງວິໄລ ທ່ຽງຈັນໄຊ ຄະນະປະຈໍາພັກ,ປະທານກວດກາຄະນະພັກ ມະຫາວິທະຍາໄລແຫ່ງຊາດ,ເລຂາພັກຮາກຖານ ຄະນະນິຕິສາດ ແລະ ລັດຖະສາດ ມີບັນດາສະຫາຍສະມາຊິກພັກ, ພະນັກງານຫຼັກແຫຼ່ງພາຍໃນຮາກຖານເຂົ້າຮ່ວມ.

ໃນກອງປະຊຸມ ສະຫາຍ ຮສ ວຽງວິໄລ ທ່ຽງຈັນໄຊ ໄດ້ບັນຍາຍເອກະສານຄໍາສັ່ງວ່າດ້ວຍເພີ້້ມທະວີການຊີ້ນໍາຄະນະພັກແຕ່ລະຂັ້ນໃນການຈັດຕັ້ງປະຕິບັດມາດຕະການແກ້ໄຂຄວາມຫຍຸ້ງຍາກດ້ານເສດຖະກິດ-ການເງີນ ເລກທີ01/ກມສພ,ລົງວັນທີ26/07/2021 ເພື່ອໃຫ້ເຊື່ອມຊືມ ແລະ ເຂົ້າໃຈເອກະສານດັ່ງກ່າວໃນການຈັດຕັ້ງປະຕິບັດ ແລະ ຕໍ່ມາ ສະຫາຍ ບຸນຄົງ ເພັດດາວຮຸ່ງ ຮອງເລຂາພັກຮາກຖານ ຮອງຄະນະບໍດີ ໄດ້ບັນລະຍາຍເອກະສານຄໍາສັ່ງວ່າດ້ວຍເພີ້ມທະວີການໍາພາຂອງພັກແຕ່ລະຂັ້ນຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ ສະບັບເລກທີ02/ກມສພ,ລົງວັນທີ26/07/2021 ໃນວາລະສຸດທ້າຍ ບັນດາສະຫາຍສະມາຊິກພັກ ໄດ້ຮັບຟັງ ການບັນລະຍາຍ ຂອງ ສະຫາຍ ພູວົງ ວິໄລແສງ ຄະນະພັກຮາກຖານ,ຮອງຄະນະບໍດີ ກ່ຽວກັບ ເອກະສານມະຕິວ່າດ້ວຍເພີ້ມທະວີການນໍາພາຂອງພັກເພື່ອສ້າງການຫັນປ່ຽນຢ່າງແຂງແຮງ ແລະ ເລິກເຊີ່ງວຽກພະນັກງານ ສະບັບເລກທີ03/ກມສພ,ລົງວັນທີ 30 /09/ 2021.

ໃນໂອກາດດັ່ງກ່າວ ສະຫາຍ ຮສ ວຽງວິໄລ ທ່ຽງຈັນໄຊ ຄະນະປະຈໍາພັກ,ປະທານກວດກາຄະນະພັກ ມະຫາວິທະຍາໄລແຫ່ງຊາດ,ເລຂາພັກຮາກຖານ ຄະນະນິຕິສາດ ແລະ ລັດຖະສາດ ໄດ້ມີຄໍາເຫັນໂອ້ລົມພ້ອມນັ້ນສະຫາຍ ຍັງໄດ້ເນັ້ນໜັກໃຫ້ພະນັກງານ, ຄູ-ອາຈານເອົາໃຈໃສ່ວຽກງານແນວຄິດການເມືອງ, ຈັດຕັ້ງປະຕິບັດໜ້າທີ່ຮັບຜິດຊອບຂອງຕົນໃຫ້ສໍາເລັດ, ສ້າງວຽກງານການພັດທະນາໂຄງລ່າງພື້ນຖານ, ເພີ່ມທະວີຄວາມເຂັ້ມແຂງທາງດ້ານວິຊາການ, ວຽກງານຄຸ້ມຄອງງົບປະມານກໍຄືລາຍຮັບ-ລາຍຈ່າຍ, ວຽກງານກໍ່ສ້າງພະນັກງານສືບທອດປ່ຽນແທນ ແລະຕໍ່ຕ້ານການສໍ້ລາດບັງຫຼວງເປັນຕົ້ນ.