ຄະນະນິຕິສາດ ແລະ ລັດຖະສາດ (ມຊ)ໄດ້ຈັດກອງປະຊຸມການສ້າງລະບຽບວາລະສານ ແລະ ການກະກຽມຄວາມພ້ອມໃນການລົງເຜີຍແຜ່ວາລະສານຂອງຄະນະນິຕິສາດ ແລະ ລັດຖະສາດ

ໃນວັນທີ 17-20 ຕຸລາ 2023 ນີ້, ຄະນະນິຕິສາດ ແລະລັດຖະສາດ (ຄນລ) ມະຫາວິທະຍາໄລແຫ່ງຊາດ (ມຊ), ໄດ້ຈັດກອງປະຊຸມການສ້າງລະບຽບວາລະສານ ແລະ ການກະກຽມຄວາມພ້ອມໃນການລົງເຜີຍແຜ່ວາລະສານຂອງຄະນະນິຕິສາດ ແລະ ລັດຖະສາດ,ທີ່ ຫ້ອງປະຊຸມບ້ານພັກແຄມງື່ມ,ເມືອງແກ້ວອຸດົມ,ແຂວງວຽງຈັນ, ໂດຍການເປັນປະທານຮ່ວມຂອງ ຮສ.ປອ. ເດຊານຸລາດ ແສນດວງເດດ ຮອງອະທິການບໍດີ, ທ່ານ ຮສ. ປອ. ວຽງວິໄລ ທ່ຽງຈັນໄຊ ຄະນະບໍດີ ຄນລ, ມີທ່ານຮອງຄະນະບໍດີ, ແຂກຖືກເຊີນ, ຫົວໜ້າພາກວິຊາ,ຮອງຫົວໜ້າພາກວິຊາ,ຫົວໜ້າພະແນກ,ຮອງຫົວໜ້າພະແນກ,ພະນັກງານ, ຄູ-ອາຈານ ເຂົ້າຮ່ວມຢ່າງພ້ອມພຽງ.

ຈຸດປະສົງຂອງກອງປະຊຸມເພື່ອສ້າງລະບຽບວາລະສານ ແລະ ການກະກຽມຄວາມພ້ອມໃນການລົງເຜີຍແຜ່ວາລະສານຂອງຄະນະນິຕິສາດ ແລະ ລັດຖະສາດ ແລະ ຂຶ້ນເຜີຍແຜ່ທາງອອນລາຍ ເພື່ອສ້າງຄວາມເຊື່ອໝັ້ນໃຫ້ແກ້ມະຫາວິທະຍາໄລແຫ່ງຊາດເວົ້າລວມ ເວົ້າສະເພາະແມ່ນຂອງຄະນະ ເຮັດໃຫ້ສັງຄົມເຂົ້າໃຈກົດໝາຍຫລາຍຂື້ນ ສາມາດເປັນບ່ອນອິງໃນການຄົ້ນຄ້ວາວິທະຍາສາດທາງດ້ານກົດໝາຍ,ນອກຈາກນັ້ນກອງປະຊຸມຍັງໄດ້ຮັບຟັງການນະສະເໜີຂອງທ່ານ ຮສ ປອ ສິດທີໄຊ ໄຊຍະວົງ ຫົວໜ້າຫ້ອງການຄົ້ນຄ້ວາວິທະຍາສາດ ແລະ ບໍລິຫານວິຊາການ ມະຫາວິທະຍາໄລແຫ່ຊາດ ກ່ຽວກັບນະໂຍບາຍວາລະສານ ແລະ ການຄົ້ນຄ້ວາຂອງມະຫາວິທະຍາໄລແຫ່ງຊາດ,ໄດ້ຮັບຟັງການນຳສະເໜີກ່ຽວກັບການສ້າງ E-journal ຂອງມະຫາວິທະຍາໄລແຫ່ງຊາດຂອງ ທ່ານ ອຈ ປອ ໃຈລາສີ ຍໍພັນໄຊ ຮອງຄະນະບໍດີ ຄະນະວິທະຍາສາດການກີລາ-ກາຍະກຳ ມະຫາວິທະຍາໄລແຫ່ງຊາດ ຈາກນັ້ນໄດ້ຮັບຟັງ ວຽກງານວາລະສານ ວິທະຍາສາດ ມະຫາວິທະຍາໄລແຫ່ງຊາດ ຂອງທ່ານ ຊອ.ປທ ແກ້ວພູທອນ ຫາທາລົງ ຮອງຫົວໜ້າພະແນກຄຸ້ມຄອງ ແລະ ສົ່ງເສີມການຄົ້ນຄ້ວາວິທະຍາສາດ-ວາລະສານ ມະຫາວິທະຍາໄລແຫ່ງຊາດ ແລະ ໄດ້ຮັບຟັງການນະສະເໜີກ່ຽວກັບການກຽມຄວາມພ້ອມລົງວາລະສານກົດໝາຍຂອງຄະນະນິຕິສາດ ແລະ ລັດຖະສາດຂອງ ທ່ານ ປທ ສັງຄອນ ນິຍົມຄໍາ ຮອງຫົວໜ້າພະແນກຫໍສະໝຸດ ຄະນະນິິສາດ ແລະ ລັດຖະສາດ ມະຫາວິທະຍາໄລແຫ່ງຊາດ.

ຮູບພາບບັນຍາກາດຂອງກອງປະຊຸມ