ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມ ເຜີຍແຜ່ ບົດລາຍງານອັດຊ່ອງວ່າງບົດຄົ້ນຄ້ວາວິໄຈຄວາມຫຼາກຫຼາຍທາງເພດໃນບ່ອນເຮັດວຽກຢູ່ໃນ ສປປ ລາວ

ວັນທີ 2 ມີນາ 2021 ຢູ່ທີ່ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມ ເຜີຍແຜ່ ບົດລາຍງານອັດຊ່ອງວ່າງບົດຄົ້ນຄ້ວາວິໄຈຄວາມຫຼາກຫຼາຍທາງເພດໃນບ່ອນເຮັດວຽກຢູ່ໃນ ສປປ ລາວ

ສຶກສາກໍລະນີນະໂຍບາຍການຈ້າງງານໃນກຸ່ມຄົນຫຼາກຫຼາຍທາງເພດ ຢູ່ ໃນ ສປປ ລາວ ໂດຍການເປັນປະທານ ຂອງ ທ່ານ ພູວົງ ວິໄລແສງ ຮອງຄະນະບໍດີ ຮ່ວມ ເປັນປະທານ ມາດາມ ເຄຕີ້ ຮິດຈເຊີດ – ອໍານວຍການ ອົງການ ອອກສຟາມ ປະຈໍາ ສປປ ລາວ ມີບັນດາ ຄູ-ອາຈານ ພະນັກງານ ແລະ ນັກສຶກສາທັງ 5 ພາກວິຊາເຂົ້າຮ່ວມຢ່າງພ້ອມພຽງ

 ,ນໍາສະເໜີບົດລາຍງານອັດຊ່ອງວ່າງບົດຄົ້ນຄ້ວາວິໄຈໂດຍ ອຈ ປທ ສຸລິຍັນ ລຸນຈັນທາ  ຫົວໜ້າສູນກົດໝາຍເພື່ອປະຊາຊົນ , ຈຸດປະສົງແມ່ນເພື່ອເຜີຍແຜ່ ບົດລາຍງານອັດຊ່ອງວ່າງບົດຄົ້ນຄ້ວາວິໄຈຄວາມຫຼາກຫຼາຍທາງເພດໃນບ່ອນເຮັດວຽກຢູ່ໃນ ສ ປ ປ ລາວ  ໃຫ້ແກ່ພາກສ່ວນສະມາຄົມ ແລະ ບໍລິສັດ, ພະນັກງານ ຄູ-ອາຈານ ແລະ ນັກສຶກສາ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ເພື່ອໃຫ້ຮູ້ກ່ຽວກັບການຈ້າງງານ,ລະບຽບການຕ່າງໆທີ່ມີຜົນກະທົບ, ບັນຫາທີ່ເກີດຂຶ້ນ, ມາດຕະການຄຸ້ມຄອງ ແລະ ປົກປ້ອງ, ບັນດານະໂຍບາຍຕ່າງໆທີ່ສົ່ງຜົນດີ ແລະ ຜົນເສຍ, ບັນດານິຕິກຳຕ່າງທີ່ພັກ-ລັດຖະບານຄວນເອົາໃຈໃສ່ເພື່ອຄຸ້ມຄອງ ໃນກຸ່ມຄົນຫຼາກຫຼາຍທາງເພດ