ພິທີປະກາດການຈັດຕັ້ງພາຍໃນ ຄນລ ຕຳແໜ່ງ 4-6

ໃນວັນທີ 16 ມີນາ 2021 ຢູ່ທີ່ຄະນະນິຕິສາດ ແລະ ລັດຖະສາດ – ມະຫາວິທະຍາໄລແຫ່ງຊາດ (ຄນລ) ໄດ້ຈັດພິທີປະກາດການຈັດຕັ້ງພາຍໃນ ຄນລ ຕໍາແໜ່ງປະເພດ 4-6 ໃຫ້ແກ່ພະນັກງານຄູອາຈານທັງໝົດ 17 ທ່ານ. ໂດຍການເປັນປະທານຂອງທ່ານ ວຽງວິໄລ ທ່ຽງຈັນໄຊ ຄະນະບໍດີ ມີທ່ານ ຮອງຄະນະບໍດີ ທ່ານ ປອ ຊາຍຄໍາ ວັນນະໄຊ ຮອງຫົວໜ້າຫ້ອງການຈັດຕັ້ງ ແລະ ຄຸ້ມຄອງພະນັກງານ ມະຫາວິທະຍາໄລແຫ່ງຊາດ ,ທ່ານຫົວໜ້າພາກວິຊາ,ຫົວໜ້າພະແນກ,ຫົວໜ້າສູນ ແລະ ພະນັກງານຄູອາຈານພາຍໃນຄະນະເຂົ້າຮ່ວມ.

ໃນພິທີ່ທ່ານ ປອ ຊາຍຄຳ ວັນນະໄຊ ຮອງຫົວໜ້າຫ້ອງການຈັດຕັ້ງ ແລະ ຄຸ້ມຄອງພະນັກງານ ໄດ້ອ່ານຂໍ້ຕົກລົງວ່າດ້ວຍການແຕ່ງຕັ້ງຮອງຫົວໜ້າພາກວິຊາ, ຫົວໜ້າພະແນກ, ຮອງຫົວໜ້າພະແນກ, ຫົວໜ້າສູນ, ຫົວໜ້າໜ່ວຍວິຊາ,  ແລະ ຮອງຫົວໜ້າໜ່ວຍວິຊາເຊິ່ງມີລາຍຊື່ດັ່ງນີ້:

– ທ່ານ ປທ. ສົມສັກ ຫົງວິຈິດ ຮັບຕໍາແໜ່ງເປັນ ຮອງຫົວໜ້າພາກວິຊາພົວພັນສາກົນ

– ທ່ານ ປທ. ສົມສັກ ສິລິທິບ ຮັບຕໍາແໜ່ງເປັນ ຫົວໜ້າພະແນກຄົ້ນຄວ້າວິທະຍາສາດ ແລະ ບໍລິການວິຊາການ

– ທ່ານ ປອ. ບຸນຍາເດດ ດາວປະສິດ ຮັບຕໍາແໜ່ງເປັນ ຮອງຫົວໜ້າພາກວິຊາກົດໝາຍແພ່ງ

– ທ່ານ ປທ. ສັງຄອນ ນິຍົມຄໍາ ຮັບຕໍາແໜ່ງເປັນ ຮອງຫົວໜ້າພະແນກຫໍສະໝຸດ

– ທ່ານ ປທ. ນ. ໄກສອນ ອິນສິຣິ ຍ້າຍຈາກພາກວິຊາພົວພັນສາກົນ ຮັບຕໍາແໜ່ງເປັນ ຮອງຫົວໜ້າສູນບໍລິການກົດໝາຍເພື່ອປະຊາຊົນ

– ທ່ານ ປທ. ນ. ຄໍາຜິວ ວິໄລພອນ ຮັບຕໍາແໜ່ງເປັນ ຫົວໜ້າໜ່ວຍວິຊາ ກົດໝາຍດໍາເນີນຄະດີແພ່ງ

– ທ່ານ ປທ. ນ. ອານຸສອນ ບົວລະພັນ ຮັບຕໍາແໜ່ງເປັນ ຫົວໜ້າໜ່ວຍວິຊາ ການບໍລິຫານລັດ

– ທ່ານ ປທ. ນ. ວິສຸດາ ຈອມມະນີຈັນ ຮັບຕໍາແໜ່ງເປັນ ຫົວໜ້າໜ່ວຍວິຊາ ກົດໝາຍແພ່ງ

– ທ່ານ ປທ. ແສງອາລຸນ ຊາພັກດີ ຮັບຕໍາແໜ່ງເປັນ ຮອງຫົວໜ້າສູນບໍລິການກົດໝາຍເພື່ອປະຊາຊົນ

– ທ່ານ ປທ. ນ. ຄໍາເສັງ ປັດສິມມະວົງ ຮັບຕໍາແໜ່ງເປັນ ຫົວໜ້າໜ່ວຍວິຊາ ກົດໝາຍທຸລະກິດພາຍໃນປະເທດ

– ທ່ານ ປທ. ນ. ຈັນສີດາ ສີສຸລາດ ຮັບຕໍາແໜ່ງເປັນ ຫົວໜ້າໜ່ວຍວິຊາ ກົດໝາຍອາຍາ

– ທ່ານ ປທ. ສີພອນ ວົງຫາລາດ ຮັບຕໍາແໜ່ງເປັນ ຮ້ອງຫົວໜ້າໜ່ວຍວິຊາ ກົດໝາຍທຸລະກິດພາຍໃນປະເທດ

– ທ່ານ ປທ. ນ. ມີນາວັນ ແສນນຸວົງ ຮັບຕໍາແໜ່ງເປັນ ຮອງຫົວໜ້າໜ່ວຍວິຊາ ບໍລິຫານລັດ

-ທ່ານ ປທ. ອິນທາ ດວງພິລາ ຮັບຕໍາແໜ່ງເປັນ ຮອງຫົວໜ້າໜ່ວຍວິຊາ ການປົກຄອງ

-ທ່ານ ປທ. ນ. ບົງສະຫວັນ ບຸດດາວົງ ຮັບຕຳແໜ່ງເປັນ ຮອງຫົວໜ້າໜ່ວຍວິຊາ ກົດໝາຍທຸລະກິດລະຫວ່າງປະເທດ

-ທ່ານ ປທ. ນ. ຄຳພູວາ ໄຊສົງຄາມ ຮັບຕຳແໜ່ງເປັນ ຮອງຫົວໜ້າໜ່ວຍວິຊາ ກົດໝາຍແພ່ງ ພ້ອມນີ້ ທ່ານ ປອ. ນ. ບົວລະພຽນ ສີສຸກ ກໍ່ໄດ້ຖືກແຕ່ງຕັ້ງຮັບຕໍາແໜ່ງເປັນ ຫົວໜ້າໜ່ວຍວິຊາການພົວພັນສາກົນ

          ໃນໂອກາດດັ່ງກ່າວນີ້ ທ່ານ ຮສ ວຽງວິໄລ ທ່ຽງຈັນໄຊ ໄດ້ໂອ້ລົມຕໍ່ພິທີ ເຊິ່ງທ່ານໄດ້ເນັ້ນໃຫ້ພະນັກງານຜູ້ທີ່ໄດ້ຮັບຕໍາແໜ່ງໃໝ່ ຈົ່ງພ້ອມກັນສືບຕໍ່ເອົາໃຈໃສ່ປະຕິບັດວຽກງານດ້ວຍຄວາມຮັບຜິດຊອບ, ເຮັດວຽກເປັນໝູ່ຄະນະ, ເອົາໃຈໃສ່ເຝິກຝົນຫຼໍ່ຫອມຕົນເອງໃຫ້ມີຄວາມຮູ້ຄວາມສາມາດ ເພື່ອນຳມາປັບປຸງ ພັດທະນາວຽກງານດ້ານວິຊາການໃຫ້ສອດຄ່ອງກັບວຽກງານຕົວຈິງ, ພ້ອມທັງໄດ້ເນັ້ນໜັກໃຫ້ພະນັກງານ ຈົ່ງຮັກສາຄວາມສາມັກຄີ, ສ້າງໃຫ້ພະນັກງານໃຫ້ມີຄຸນສົມບັດ ສິນທໍາປະຕິວັດ, ມີຄຸນທາດການເມືອງທີ່ໜັກແໜ້ນ, ມີຄວາມພ້ອມພຽງຮ່ວມແຮງ-ຮ່ວມໃຈກັນ ສືບຕໍ່ປະຕິບັດໜ້າທີ່ຕາມພາລະບົດບາດຂອງຕົນ ໃຫ້ມີຄວາມກ້າວໜ້າ ແລະໄດ້ຮັບຜົນສຳເລັດຕາມແຜນການທີ່ວາງໄວ້.