ຄນລ ໄດ້ຈັດພິທີສະຫຼຸຸບສົກຮຽນ2020-2021,ເປີດສົກຮຽນໃໝ່2021-2022 ແລະ ສະເຫລີມສະຫລອງວັນຄູແຫ່ງຊາດຄົບຮອບ 27 ປີ
ໃນວັນທີ 26 ຕຸລາ 2021 ນີ້, ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຈັດພິທີສະຫຼຸຸບສົກຮຽນ2020-2021,ເປີດສົກຮຽນໃໝ່2021-2022 ແລະ ສະເຫລີມສະຫລອງວັນຄູແຫ່ງຊາດຄົບຮອບ 27 ປີ,ຜ່ານລະບົບອອນລາຍ (Google Meet), ໂດຍການເຂົ້າຮ່ວມເປັນປະທານຂອງທ່ານ ຮສ. ປອ. ອຸດົມ ພອນຄຳເພັງ ຮັກສາການອະທິການບໍດີ ມະຫາວິທະຍາໄລແຫ່ງຊາດ, ມີທ່ານ ຮສ ວຽງວິໄລ ທ່ຽງຈັນໄຊ ຄະນະບໍດີ,ຮອງຄະນະບໍດີ,ຫົວໜ້າພາກວິຊາ,ຫົວໜ້າພະແນກ,ຫົວໜ້າຫ້ອງການ 13 ຄະນະ,ແລະ ພະນັກງານຄູ-ອາຈານ,ນັກສຶກສາພາຍໃນ ຄະນະນິຕິສາດ ແລະ ລັດຖະສາດເຂົ້າຮ່ວມ.
ໃນພິທີ,ໄດ້ຮັບຟັງການລາຍງານສະຫຼຸຸບສົກຮຽນ 2020-2021, ເປີດສົກຮຽນໃໝ່2021-2022ແລະ ສະເຫລີມສະຫລອງວັນຄູແຫ່ງຊາດຄົບຮອບ 27 ປີ ຂອງ ທ່ານ ຮສ.ວຽງວິໄລ ທ່ຽງຈັນໄຊ ເຊີ່ງບາງຕອນທ່ານໄດ້ກ່າວວ່າ : ສະພາບຂອງຄະນະນິຕິສາດ ແລະ ລັດຖະສາດຂອງພວກເຮົານີ້ໂດຍພາບລວມກໍ່ເປັນຫນື່ງໃນ 13 ຄະນະວິຊາທີ່ຂື້ນກັບມະຫາວິທະຍາໄລແຫ່ງຊາດ ມີພາລະບົດບາດສ້າງນັກວິຊາການທາງດ້ານກົດໝາຍ,ການປົກຄອງ,ການຕ່າງປະເທດໃນລະດັບປະລິນຍາຕີ ແລະ ປະລິນຍາໂທ,ມາຮອດປະຈຸບັນຄະນະນິຕິສາດ ແລະ ລັດຖະສາດໄດ້ສ້າງນັກວິຊາການ ປະລິນຍາຕີໄດ້ເຖີງ 25 ຊຸດ ແລະ ລະດັບປະລິນາໂທ 10 ຮຸ້ນ ໂດຍສະເພາະປະລິນາຍາໂທນິຕິສາດ ແລະ ປະລິນຍາໂທສາຂາການປົກຄອງ 5 ລຸ້ນ ,ປະລິນຍາໂທກົດໝາຍທຸລະກິດ 3 ລຸ້ນ,ປະລິນຍາໂທກົດໝາຍສາກົນທີ່ເປັນພາສາຟະຣັ່ງ 1 ລຸ້ນ,ສ່ວນນັກສຶກສາສົກຮຽນ 2020-2021 ມີຈໍານວນນັກສຶກສາທັງໝົດ 1713 ຄົນ,ເປັນຍິງ 879 ຄົນ, ນັກສຶກສາປີທີ4ທັງໝົດ 369 ຄົນ, ສຳເລັດການສຶກສາເກືອບທັງໝົດ 359 ຄົນ ,ມີນັກສຶກສາທີ່ໄດ້ໃບປະກາດແດງ 4 ຄົນ,
ເນື່ອງໃນໂອກາດວັນຄູແຫ່ງຊາດຄົບຮອບ 27 ປີ ເພື່ອສະແດງຄວາມຮູ້ບຸນຄຸນນັກສຶກສາພາກວິຊາກົດໝາຍທຸລະກິດ ໄດ້ຂື້ນອ່ານຄໍາອວຍພອນ ຜ່ານລະບົບອອນລາຍ ເພື່ອສະແດງຄວາມຮູ້ບຸນຄົນທີ່ຄູອາຈານທີ່ທຸ້ມເທເຫື່ອແຮງໃນການສິດສອນທີ່ຜ່ານມາ.
ໃນໂອກາດນີ້, ທ່ານ ຮສ. ປອ. ອຸດົມ ພອນຄຳເພັງ ກໍໄດ້ ມີຄຳເຫັນຕໍ່ພິທີສະຫລຸບ ເຊິ່ງບາງຕອນທ່ານໄດ້ກ່າວວ່າ: ມື້ນີ້ເປັນມື້ໜື່ງທີ່ມີຄວາມສຳຄັນຫລາຍໂດຍສະເພາະ ຄະນະນິຕິສາດ ແລະ ລັດຖະສາດ,ເປັນສິ່ງທະທາຍພໍສົມຄວນໃນທາມກາງບັນຍາກາດທີ່ພະຍາດໂຄວິດ19 ຍັງມີການຂະຫຍາຍຕົວສູ່ຊຸມຊົນ, ແຕ່ເຖີງຄະນະນັ້ນກໍ່ຕາມ ຄະນະນິຕິສາດ ແລະ ລັດຖະສາດ ຂອງພວກເຮົາຍັງສາມາດຍາດແຍ່ງຂອງການຮຽນການສອນ ແລະ ຜົນງານອື່ນໆທີ່ໄດ້ຮັບຜົນສຳເລັດ ທ່ານໄດ້ເນັ້ນວ່າ ການທີ່ວຽກທັງໝົດທີ່ໄດ້ສຳເລັດລົງ ມັນແມ່ນຍ້ອນໝາກຜົນ ແລະ ຄວາມເອົາໃຈໃສ່ຂອງໝົດທຸກຄົນ ບໍໝາຍຄວາມວ່າມີແຕ່ຄະນະນໍາ,ມີແຕ່ຄະນະນໍາສຳມາຊິກບໍ່ເຮັດນຳມັນກໍ່ບໍ່ໄດ້ ມີແຕ່ສຳມາຊິກບໍ່ມີຄະນະພັກຊີນໍານຳພາມັນກໍ່ບໍ່ໄດ້,ສິ່ງທີ່ທ້າທາຍໃນໂອກາດຄັ້ງໜ້າທີ່ໄດ້ວາງຈຸດສຸມໄວ້5ປີຕໍ່ໜ້າ ຂອງມະຫາວິທະຍາໄລແຫ່ງຊາດ ມີ 3 ຈຸດສຸມ ຈຸດສຸມທີໜື່ງ ຫລັກສູດທີ່ໄດ້ຮຽນມາຕ້ອງໄດຮັບການປະເມີນຢູ່ໃນຂັ້ນ AUN ,ຈຸດສຸມທີ2 ການຄົ້ນຄ້ວາວິທະຍາສາດໃຫ້ມີປະສິດທິພາບ ແລະ ຄຸນນະພາບ,ແຕ່ລະຄະນະຕ້ອງມີສູນອັນໃດອັນໜື່ງກ່ຽວກັບວິຊາສະເພາະ ຈຸດສຸມທີ 3 ການຮຽນການສອນແບບອອນລາຍ .
