ກອງປະຊຸມຮັບຟັງການເຜີຍແຜ່ຂໍ້ຕົກລົງ ວ່າດ້ວຍ ຈັນຍາບັນ,ຂໍ້ຫ້າມ ແລະ ການລົງວິໄນຕໍ່ຄູ ແລະ ບຸກຄະລາກອນ ຂະແໜງການສຶກສາທິການ ແລະ ກິລາ

ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມຮັບຟັງການເຜີຍແຜ່ຂໍ້ຕົກລົງ ວ່າດ້ວຍ ຈັນຍາບັນ,ຂໍ້ຫ້າມ ແລະ ການລົງວິໄນຕໍ່ຄູ ແລະ ບຸກຄະລາກອນ ຂະແໜງການສຶກສາທິການ ແລະ ກິລາ ທາງອອນລາຍ ຂື້ນໃນວັນທີ 07 ກຸ່ມພາ 2022 ທີ່ຫ້ອງປະຊຸມ B10 ເຂົ້າຮ່ວມເປັນປະທານໂດຍ ທ່ານ ອຈ ປອ ສົມເດດ ແກ້ວວົງສັກ ຮອງຄະນະບໍດີ ມີບັນດາທ່ານ ຮອງຄະນະບໍດີ, ຫົວໜ້າພາກວິຊາ, ຫົວໜ້າພະແນກ, ພະນັກງານ ຄູອາຈານພາຍໃນຄະນະເຂົ້າຮ່ວມຢ່າງພ້ອມພຽງ.

ໃນກອງປະຊຸມດັ່ງກ່າວ ໄດ້ເຜີຍແຜ່ ໂດຍ ທ່ານ ອຈ ປອ ສົມເດດ ແກ້ວວົງສັກ ຮອງຄະນະບໍດີ ແລະ ທ່ານ ອຈ ປທ ນາງ ທັດສະນາລອນ ສີສຸນົນ ຫົວໜ້າພະແນກຈັດຕັ້ງ ແລະ ຄຸ້ມຄອງພະນັກງານ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ,

  ຈຸດປະສົງຂອງກອງປະຊຸມເຜີຍແຜ່ຄັ້ງນີ້ : ແມ່ນເພື່ອເຊື່ອມຊືມ ຂໍ້ຕົກລົງ ວ່າດ້ວຍ ຈັນຍາບັນ,ຂໍ້ຫ້າມ ແລະ ການລົງວິໄນຕໍ່ຄູ ແລະ ບຸກຄະລາກອນ ຂະແໜງການສຶກສາທິການ ແລະ ກິລາ ເອົາໃຈໃສ່ຍົກສູງຄວາມຮັບຜິດຊອບຕໍ່ການປະຕິບັດໜ້າທີ່ວຽກງານຂອງຕົນ,ເປັນແບບຢ່າງທີ່ດີ,ມີວິໄນ,ມີຈັນຍາບັນ,ມີຈັນຍາທຳ,ມີນໍ້າໃຈຮັບໃຊ້ຊາດ,ຮັບໃຊ້ປະຊາຊົນ ດ້ວຍຄວາມສັດຊື່ບໍລິສຸດ,ໂປ່ງໃສ,ມີສະຕິຕື່ນຕົວປະຕິບັດກົດໝາຍ ແລະ ລະບຽບການ ຢ່າງເຂັ້ມງວດ ແນ່ໃສ ຕ້ານ ແລະ ສະກັດກັ້ນ ການສໍ້ລາດບັງຫລວງ,ພະຍາດອາດຍາສິດ ແລະ ປະກົດການຫຍໍ້ທໍ້ຕ່າງໆ ພາຍໃນ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ .