ຄະນະນິຕິສາດ ແລະ ລັດຖະສາດ ໄດ້ຈັດກອງປະຊຸມຜ່ານ ແລະ ຮັບຮອງຮູບແບບ ແລະ ບົດວິພາກ ວາລະສານກົດໝາຍ

ວັນທີ 19-20 ກັນຍາ 2022 ທີ່ເມືອງທຸລະຄົມ ແຂວງວຽງຈັນ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມຜ່ານ ແລະ ຮັບຮອງຮູບແບບ ແລະ ບົດວິພາກ ວາລະສານກົດໝາຍຂື້ນ ໂດຍເປັນປະທານຂອງ ທ່ານ ອຈ.ປອ ສົມເດດ ແກ້ວວົງສັກ ຮອງຄະນະບໍດີ ຝ່າຍວິຊາການ,ມີບັນດາ ຮອງຄະນະບໍດີ,ຫົວໜ້າພາກວິຊາ,ຫົວໜ້າພະແນກ ແລະ ຄູອາຈານ,ຄະນະຮັບຜິດຊອບເຂົ້າຮ່ວມ.

ຈຸດປະສົງຂອງກອງປະຊຸມ ເພື່ອປຶກສາຫາລື,ຮັບຮອງຮູບແບບ ແລະ ບົດວິພາກ ວາລະສານກົດໝາຍ ໃນກອງປະຊຸມດັ່ງກ່າວ ໄດ້ມີການປະກອບຄໍາຄິດຄໍາເຫັນຂອງຫົວໜ້າພາກວິຊາ,ຫົວໜ້າພະແນກ ເຂົ້າໃນການຮັບຮອງຮູບແບບ ແລະ ບົດວິພາກ ວາລະສານກົດໝາຍ ຢ່າງສ້າງສັນ ເຮັດໃຫ້ກອງປະຊຸມເຫັນດີ ແລະ ຕົກລົງເປັນເອກະພາບຮັບຮອງເອົາຮູບແບບ ແລະ ບົດວິພາກ ວາລະສານກົດໝາຍ.

ໃນກອງປະຊຸມດັ່ງກ່າວ ທ່ານ ອຈ.ປອ ສົມເດດ ແກ້ວວົງສັກ ຮອງຄະນະບໍດີ  ໄດ້ກ່າວ ຂອບໃຈມາຍັງທຸກທ່ານທີ່ເສຍສະຫຼະເວລາອັນມີຄຸນຄ່າເຂົ້າຮ່ວມກອງປະຊຸມນໍາພວກເຮົາ,ໄດ້ແລກປ່ຽນກັບພວກເຮົາ, ສະແດງຄວາມຂອບໃຈພິເສດ ນໍາທ່ານ ຮອງສາດສະດາຈານ ບຸນທ່ຽງ ພົມມະຈັນ ອະດິດ ຮອງຄະນະບໍດີ ທີ່ໄດ້ເສຍສະຫຼະເວລາຂອງທ່ານມາແລກປ່ຽນຄໍາຄິດຄໍາເຫັນ ແລະ ໃຫ້ທິດທາງກ່ຽວກັບວຽກງານວາລະສານຂອງຄະນະພວກເຮົາ,ຂອບໃຈນໍາບັນດາທ່ານ ຮອງຄະນະບໍດີ,ຫົວໜ້າພາກວິຊາ,ຫົວໜ້າພະແນກ,ຂ້າພະເຈົ້າຄິດວ່າໂອກາດອັນໄວໆ ພວກເຮົາຈະໄດ້ເຫັນໜ້າຕາຮູບຮ່າງວາລະສານທີ່ກຳເນີດເກີດຂື້ນຂອງ ຄນລ ກະບໍ່ແມນ່ຂອງໃຜ ກະແມ່ນຜົນງານຂອງພວກທ່ານໝົດທຸກຄົນ,ຂ້າພະເຈົ້າຂໍອະນຸຍາດຂໍອອຍພອນໃຫ້ບັນດາທ່ານທຸກທ່ານເດີນທາງກັບນະຄອນຫລວງວຽງຈັນດ້ວຍຄວາມສະຫັວດດີພາບ.

ພາບບັນຍາກາດ