ກິດຈະກຳແຂ່ງຂັນກິລາເປຕັງ ລະຫວ່າງ ຄູອາຈານ ຄະນະນິຕິສາດ ແລະ ລັດຖະສາດ ມຊ  ແລະ ພະນັກງານອາວຸໂສບໍານານ

ຄະນະນິຕິສາດ ແລ ລັດຖະສາດ ມະຫາວິທະຍາໄລແຫ່ງຊາດ ໄດ້ຈັດກິດຈະກໍາແຂ່ງຂັນກິລາເປຕັງລະຫວ່າງຄູອາຈານ ຄນລ ແລະ ພະນັກງານບຳນານອາວຸໂສຂື້ນໃນວັນທີ 18 /11/2022 ທີ່ເດີນເປຕັງ ຄະນະນິຕິສາດ ແລະ ລັດຖະສາດ,ເຂົ້າຮ່ວມມີບັນດາທ່ານ ຄະນະບໍດີ,ຮອງຄະນະບໍດີ, ອະດິດຮອງຄະນະບໍດີ,ພະນັກງານອາວຸໂສບຳນານ ພ້ອມດ້ວຍຄູອາຈານເຂົ້າຮ່ວມຢ່າງພ້ອມພຽງ.

ການຈັດການແຂ່ງຂັນດັ່ງກ່າວ ເພື່ອສະເຫລີມສະຫລອງວັນຄູແຫ່ງຊາດຄົບຮອບ 28 ປີ ,ສະເຫລີມສະຫລອງເນື່ອງໃນໂອກາດວັນສ້າງຕັ້ງ ມະຫາວິທະຍາໄລແຫ່ງຊາດ ຄົບຮອບ 26 ປີ ແລະ ເພື່ອສ້າງຂະບວນການຕ້ອນຮັບສະເຫຼີມສະຫຼອງວັນຊາດທີ2 ທັນວາ ຄົບຮອບ 47ປີ (2/12/1975-2/12/2022)

ໃນໂອກາດດັ່ງກ່າວ ຂໍອະນຸຍາດຕ່າງໜ້າ ເພື່ອນພະນັກງານບຳນານ ຂໍສະແດງຄວາມຂອບໃຈອັນສຸດຊຶ້ງມາຍັງ ຄະນະ ຄນລ ຕະຫຼອດທັງ ບັນດາອາຈານ ພະນັກງານ-ນັກສຶກສາທີ່ໄດ້ໃຫ້ການຕ້ອນຮັບ, ພົບປະ ແລະ ດຳເນີນກິດຈະກຳຕີບູນ ດ້ວຍບັນຍາກາດທີ່ປ່ຽມລົ້ນໄປດ້ວຍໄມຕີຈິດມິດຕະພາບ ແລະຄວາມຮັກແພງ ທີ່ບໍ່ອາດພັນລະນາໄດ້. ອີກເທື່ອໜຶ່ງ ຂໍຂອບໃຈຕໍ່ການສ້າງສາຍສຳພັນທີ່ດີຕໍ່ ອະດີດ ພະນັກງານ ການນໍາຂອງແຕ່ລະຄະນະວິຊາແບບປະທັບໃຈສຸດໆ…. ໃນການຈັດກິດຈະ ກຳລັກສະນະນີ້ ຖືວ່າເປັນຄັ້ງທຳອິດ ແລະ ຫວັງສະເໝີວ່າຄົງຈະມີຄັ້ງຕໍ່ໆໄປ… ແນວໃດກໍຂໍອວຍພອນແດ່ ພ້ອມຄະນະ ແລະ ບັນດາອາຈານທັງໝົດ ຈົ່ງປະສົບແຕ່ຄວາມສຸກຂີຈະເລີນພອນ, ສຳເລັດທຸກໜ້າທີ່ຢ່າງມີໄຊ ໄປມາທາງໃດ ກໍຂໍໃຫ້ມີໂຊກ, ຮັ່ງມີລ້ຳລວຍ.

ພາບບັນຍາກາດ