ສະເຫລີມສະຫລອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໂດຍສົມທົບກັບ 3 ອົງການຈັດຕັ້ງມະຫາຊົນ ຄະນະນິຕິສາດ ແລະ ລັດຖະສາດ ໄດ້ຈັດພິທີສະເຫຼີມ ສະຫຼອງວັນເດັກນ້ອຍສາກົນ, ວັນປູກຕົ້ນໄມ້ແຫ່ງຊາດ 1 ມິຖຸນາ 2023 ເຊິ່ງພິທີໄດ້ຈັດຂຶ້ນໃນຕອນບ່າຍຂອງວັນທີ 7 ມິຖຸນາ 2023 ໂດຍການເປັນປະທານຂອງທ່ານ ຮສ.ປອ. ວຽງວິໄລ ທ່ຽງຈັນໄຊ ຄະນະບໍດີ ຄະນະນິິສາດ ແລະ ລັດຖະສາດ ມຊ , ມີຮອງຄະນະບໍດີ, ຫົວໜ້າພາກວິຊາ, ຫົວໜ້າພະແນກ ພະນັກງານຄູ-ອາຈານ,ນັກສຶກສາ ແລະ ລູກຫຼານ ຂອງພະນັກງານຄະນະນິຕິສາດ ແລະ ລັດຖະສາດ ມຊ
ໃນໂອກາດກ່າວເປີດພິທີ ທ່ານ ຮສ.ປອ. ວຽງວິໄລ ທ່ຽງຈັນໄຊ ຄະນະບໍດີ ໄດ້ກ່າວເປີດພິທີຢ່າງເປັນທາງການ ແລະໃຫ້ຄຳໂອວາດຕັກເຕຶືອນຫຼານນ້ອຍ ທ່ານໄດ້ຍົກໃຫ້ເຫັນພາລະບົດບາດ, ຄວາມໝາຍສຳຄັນຂອງວັນເດັກນ້ອຍສາກົນ ເນື່ອງໃນໂອກາດວັນເດັກສາກົນ ວັນທີ 01 ມິຖຸນາ 2023. ນອກຈາກນັ້ນ, ທ່ານຍັງໄດ້ ແຈກເຂົ້າໜົມ, ຂອງລາງວັນໃຫ້ເດັກ.
ໃນການຈັດຕັ້ງພິທີສະເຫຼີມສະຫຼອງ ໄດ້ເປັນກິດຈະກຳໜຶ່ງ ໃຫ້ພະນັກງານ-ຄູອາຈານ ນັກສຶກສາ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ຮັບຮູ້ ແລະ ເຕົ້າໂຮມກັນ ເພື່ອເປັນການສົ່ງເສີມສິດທິເດັກ ທີ່ເປັນໜໍ່ ແໜງແຫ່ງຊີວິດໃນວັນນີ້ ເພື່ອກ້າວເປັນອະນາຄົດອັນແຈ່ມໃສຂອງປະເທດຊາດໃນມື້ໜ້າ ແລະ ເປັນການປະກອບສ່ວນຢາງຕັ້ງໜ້າ ພິທີ ສະເຫຼີມ ສະຫຼອງໄດ້ສຳເລັດລົງດ້ວຍບັນຍາກາດອັນຄຶກຄື້ນ ແລະ ເບີກບານມ່ວນຊື່ນ.
