ຄະນະນິຕິສາດ ແລະ ລັດຖະສາດ ໄດ້ແຕ່ງຕັ້ງຄະນະຮັບຜິດຊອບລວມ ແລະ ຄະນະສ້າງຫລັກສູດໂຄງຮ່າງ ແລະ ເນື້ອໃນຫລັກສູດປະລິນຍາເອກ ສາຂານິຕິສາດ

ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດໄດ້ຈັດກອງປະຊຸມວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນຳລວມ ແລະ ຄະນະສ້າງຫລັກສູດໂຄງຮ່າງ ແລະ ເນື້ອໃນຫຼັກສູດປະລິນຍາເອກ ສາຂານິຕິສາດ ເປັນປະທານໂດຍ ທ່ານ ປອ.ຮສ ວຽງວິໄລ ທ່ຽງຈັນໄຊ ຄະນະບໍດີ ມີບັນດາທ່ານຫົວໜ້າພາກວິຊາກົດໝາຍອາຍາ,ຫົວໜ້າພາກວິຊາກົດໝາຍແພ່ງ ແລະ ອາຈານທີ່ຮັບຜິດຊອບຫຼັກສູດນີ້ເຂົ້າຮ່ວມຢ່າງພ້ອມພຽງ ກອງປະຊຸມດັ່ງກ່າວໄດ້ຈັດຂື້ນໃນວັນທີ 22 ມີນາ 2023 ທີ່ຫ້ອງປະຊຸມ B10