ກອງປະຊຸມເຜີຍແຜ່ການຄົ້ນຄ້ວາວິທະຍາສາດທາງດ້ານສັງຄົມ-ກົດໝາຍ ຄັ້ງທີ V  ທີ່ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ

ວັນທີ 15 ທັນວາ 2023 ຄະນະນິຕິສາດ ແລະ ລັດຖະສາດ (ມຊ) ໄດ້ຈັດກອງ ປະຊຸມເຜີຍແຜ່ການຄົ້ນຄ້ວາວິທະຍາສາດທາງດ້ານສັງຄົມ-ກົດໝາຍ ຄັ້ງທີ V ເຂົ້າຮ່ວມໂດຍ ທ່ານ ຮອງສາດສະດາຈານ ປະລິນຍາເອກ ເດຊານຸລາດ ແສນດວງເດດ ຮອງອະທິການບໍດີ ມຊ  ໃນນາມປະທານ ກິດຕິມະສັກ,ໄດ້ຮັບກຽດເຂົ້າຮ່ວມຂອງ ທ່ານ ຮອງສາດສະດາຈານ ປະລິນຍາເອກ ວຽງວິໄລ ທ່ຽງຈັນໄຊ ຄະນະບໍດີ ຄະນະນິຕິສາດ ແລະ ລັດຖະສາດ (ສສຊ ເຂດເລືອກຕັ້ງທີ 1 ນະຄອນຫລວງວຽງຈັນ) ປະທານ ກອງປະຊຸມ, ເຂົ້າຮ່ວມຂອງ ທ່ານ ນ   Noémie Losch, Junior Technical Advisor ຕາງໜ້າ ໂຄງການ ລາວ/037 ໃນນາມ ຄະນະປະທ່ານຮ່ວມ , ເຂົ້າຮ່ວມຂອງ ທ່ານ Prof. Dr. Stefan Braum ພ້ອມດ້ວຍທີມງານ ຈາກມະຫາວິທະຍາໄລ ລຸກຊຳບວກ (ປະເທດລຸກຊຳບວກ) ,ເຂົ້າຮ່ວມຂອງ ທ່ານ ອາຈານ ທີ່ມາຈາກ ມະຫາວິທະຍາໄລມະຫາຈຸ ລາລົງກອນ ລາດທະ ວິທະຍາໄລ ວິທະຍາເຂດ ນະຄອນສີທຳມະລາດ (ລາຊານາຈັກໄທ) ,ມີບັນດາ ທ່ານ ພະນັກງານ-ອາຈານ ຈາກ ຄນລ (ມຊ) ,ທ່ານ ພະນັກງານ-ອາຈານ ຕາງໜ້າ ຈາກ ຄນລ (ມຈ) , ທ່ານ ພະນັກງານ-ອາຈານ ຕ່າງໜ້າ ຈາກ ສະຖາບັນຍຸຕິທຳແຫ່ງຊາດ, ທ່ານ ພະນັກງານ-ອາຈານ ຕ່າງໜ້າ ຈາກ ອົງການຈັດສາກົນ ເປັນຕົ້ນ: UNODC, GIZ-CEGA, WCS  ແລະ ອົງການ, ໄດ້ເຂົ້າຮ່ວມຢ່າງພ້ອມພຽງ

ຈຸດປະສົງ ແລະ ຄວາມສຳຄັນ ຂອງການຈັດຕັ້ງກອງປະຊຸມເຜີຍແຜ່ການຄົ້ນຄວ້າວິທະຍາສາດ (ທາງສັງຄົມ-ກົດໝາຍ) ໃນຄັ້ງນີ້ ການຈັດຕັ້ງກອງປະຊຸມເຜີຍແຜ່ການຄົ້ນຄວ້າວິທະຍາສາດ ກໍເພື່ອສົ່ງເສີມການຄົ້ນ    ຄ້ວາວິທະຍາສາດທາງສັງຄົມ-ກົດໝາຍ ແລະ ເພື່ອສະໜັບສະໜູນ ວິທະຍາສາດ ການສຶກສາກົດໝາຍໃນ ສປປ ລາວ; ສົ່ງເສີມການປຶກສາຫາລື ແລະ ແລກປ່ຽນແນວຄວາມຄິດ, ປະສົບການ, ຄວາມ ຮູ້, ທັກສະ ແລະ ຂໍ້ມູນກ່ຽວກັບການຄົ້ນຄ້ວາວິທະຍາສາດທາງສັງຄົມ-ກົດໝາຍ. ນອກຈາກນີ້, ກໍຍັງເປັນເວທີແຫ່ງການພັດທະນາຂີດຄວາມສາມາດໃນການຄົ້ນຄວ້າວິທະຍາສາດທາງສັງຄົມ-ກົດໝາຍ ແລະ ເພື່ອສົ່ງເສີມສະພາບແວດລ້ອມການຄົ້ນຄ້ວາວິທະຍາສາດຂອງ ພະນັກງານ, ອາຈານ, ນັກຄົ້ນຄ້ວາ ແລະ ນັກຮຽນຮູ້ ພາຍໃນ ສປປ ລາວ, ພາກພື້ນ ແລະ ສາກົນ. ສະນັ້ນ ເວທີນີ້ ຈຶ່ງເປັນເວທີສຳຄັນ ແລະ ມີຄວາມຈຳເປັນສຳລັບ  ຄະນະວິຊາ ກໍ ຄືສະຖາບັນການສຶກສາກົດໝາຍ.

ໃນກອງປະຊຸມຄັ້ງນີ້ ທ່ານ ຮອງສາດສະດາຈານ ປະລິນຍາເອກ ວຽງວິໄລ ທ່ຽງຈັນໄຊ ຄະນະບໍດີ ຄະນະນິຕິສາດ ແລະ ລັດຖະສາດ (ສສຊ ເຂດເລືອກຕັ້ງທີ 1 ນະຄອນຫລວງວຽງຈັນ) ປະທານ ກອງປະຊຸມ ໄດ້ມີຄໍາເຫັນບາງຕອນດັ່ງນີ້ :

ສະແດງຄວາມຕ້ອນຮັບບັນດາທ່ານຈາກມະຫາວິທະຍາໄລແຫ່ງຊາດ, ຄນລ ມຊ,ຄນລ ມຈ, ສະຖາບັນຍຸຕິທໍາ ແຫ່ງຊາດ, ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ອົງກາກວດກາລັດຖະບານ, ຕາງຫນ້າ ຈາກບັນດາກະຊວງ,

ທ່ານ Stefan BRAUN ແລະ ນັກສຶກສາ ປ ອ ຈາກມະຫາວິທະຍາໄລ Luxembourg ຄະນະອາຈານຈາກ ມ. ຂອນແກ່ນ, ມ.ມະຫາສາລະຄາມ, ລາດຊະອານາຈັກໄທ

ແຂກທີ່ມີກຽດ

ທ່ານຍິງ ແລະ ທ່ານຊາຍ ທີ່ຮັກແພງທັງຫຼາຍ

ຂ້າພະເຈົ້າຮູ້ສຶກເປັນກຽດຢ່າງຍິ່ງ ທີ່ໄດ້ຕາງຫນ້າໃຫ້ມະຫາວິທະຍາໄລແຫ່ງຊາດລາວ, ຄະນະນິຕິສາດ ແລະ ລັດຖະສາດ, ໂຄງການຮ່ວມມືສາກົນປະເທດລູກຊໍາບວກ ລາວ/037 ຂໍສະແດງຄວາມຕ້ອນຮັບບັນດາທ່ານເຂົ້າສູ່ກອງ ປະຊຸມເຜີຍແຜ່ການຄົ້ນຄວ້າວິທະຍາສາດທາງດ່ານສັງຄົມ-ກົດຫມາຍປະຈໍາປີ 2023 ໃນຄັ້ງນີ້ຢ່າງສຸດໃຈ.ບັນດາທ່ານທີ່ນັບຖື,

ກອງປະຊຸມເຜີຍແຜ່ການຄົ້ນຄວ້າວິທະຍາສາດທາງດ້ານສັງຄົມ-ກົດຫມາຍ ປະຈໍາປີ 2023, ເປັນກອງປະຊຸມ ຄັ້ງທີ 5 ທີ່ຈັດຂຶ້ນຢູ ່ ຄນລ, ພາຍໃຕ້ຫົວຂໍ້: “ການຈັດຕັ້ງປະຕິບັດກົດຫມາຍຢູ ່ ສປປ ລາວ.” ຈຸດປະສົງຂອງກອງປະຊຸມ ດັ່ງກ່າວແມ່ນເພື່ອສົ່ງເສີມການຄົ້ນຄ້ວາທາງດ້ານກົດຫມາຍ ແລະ ເພື່ອສະຫນັບສະ ຫນູນ ການສຶກສາກົດຫມາຍໃນ ສປປ ລາວ; ສົ່ງເສີມການປຶກສາຫາລື ແລະ ແລກປ່ຽນແນວຄວາມຄິດ, ປະສົບການ, ຄວາມ ຮູ້, ທັກສະ ແລະ ຂໍ້ມູນກ່ຽວກັບ ການຄົ້ນຄ້ວາວິທະຍາສາດທາງດ້ານກົດຫມາຍ. ນອກຈາກນີ້, ຍັງເປັນເວທີແຫ່ງການພັດ ທະນາຂີດຄວາມສາມາດໃນ ການຄົ້ນຄວ້າວິທະຍາສາດທາງດ້ານກົດຫມາຍ ແລະ ເພື່ອສົ່ງເສີມສະພາບແວດລ້ອມການຄົ້ນຄ້ວາວິທະຍາສາດຂອງ ພະນັກງານ, ອາຈານ, ນັກຄົ້ນຄ້ວາ ແລະ ນັກຮຽນຮູ້ ພາຍໃນ ສປປ ລາວ, ພາກພື້ນ ແລະ ສາກົນ.

ໃນກອງປະຊຸມທີ່ມີຄວາມຫມາຍຄວາມສໍາຄັນນີ້, ນອກຈາກນັກຄົ້ນຄວ້າພາຍໃນແລ້ວ ບັນດາທ່ານຍັງຈະໄດ້ ຮັບຟັງການນໍາສະເຫນີບົດຮຽນແລະປະສົບການ ລວມທັງການຄົ້ນພົບທີ່ເປັນປະໂຫຍດ ແລະຫນ້າສົນໃຈ ຈາກບັນດານັກ ຄົ້ນຄວທີ່ມາຈາກ ມະຫາວິທະຍາໄລ ລູກຊໍາບວກ ແລະ ມະຫາວິທະຍາໄລປະເທດໄທ ຊຶ່ງຖືເປັນນິມິດຫມາຍອັນດີ ໃນ ການພັດທະນາການຄົ້ນຄວ້າວິທະຍາສາດທາງດ້ານສັງຄົມ-ກົດຫມາຍ ເພື່ອຫັນເປັນພາກພື້ນ ແລະສາກົນເທື່ອລະກ້າວ.

ໃນໄລຍະຜ່ານມາ ເຫັນວ່າ ຄະນະນິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ເຄີຍໄດ້ຈັດກອງ ປະຊຸມວິທະຍາສາດທາງດ້ານສັງຄົມ-ກົດຫມາຍ ມາແລ້ວ 4 ຄັ້ງ:

ຄັ້ງທີ ່ 1, ໃນວັນທີ 20 ທັນວາ 2018 ໄດ້ຈັດກອງປະຊຸມເຜີຍແຜ່ຜົນການຄົ້ນຄວ້າວິທະຍາສາດ ທາງດ້ານ ກົດຫມາຍລະດັບຊາດປະຈໍາປີ 2018 ພາຍໃຕ້ຫົວຂໍ້: “ການສົ່ງເສີມການຄຸ້ມຄອງລັດດ້ວຍກົດຫມາຍ,” ມີບົດ ຄົ້ນຄ້ວາທີ່ນໍາມາສະເຫນີທັງຫມົດ 16 ບົດ,ຄັ້ງທີ 2 ໃນວັນທີ 18 ທັນວາ 2019 ໄດ້ຈັດກອງປະຊຸມເຜີຍແຜ່ ຜົນການຄົ້ນຄວ້າວິທະຍາສາດ ທາງດ້ານ ກົດຫມາຍປະຈໍາປີ 2019 ພາຍໃຕ້ຫົວຂໍ້: “ກົດຫມາຍແລະການພັດທະນາໃນທັດສະນະຂອງ ສປປ ລາວ,” ມີ ບົດຄົ້ນຄ້ວາທີ່ນໍາມາສະເຫນີທັງຫມົດ 16 ບົດ

ຄັ້ງທີ ່3 ໃນວັນທີ 15 ທັນວາ 2021, ແມ່ນກອງປະຊຸມເຜີຍແຜ່ການຄົ້ນຄວ້າວິທະຍາສາດ ທາງດ້ານກົດ ຫມາຍ-ສັງຄົມ ປະຈໍາປີ 2021 ພາຍໃຕ້ຫົວຂໍ້: “ວິທີການດໍາເນີນການຄົ້ນຄວ້າທາງດ້ານກົດຫມາຍ-ສັງຄົມ,” ມີບົດຄົ້ນຄ້ວາທີ່ນໍາມາສະເຫນີ ທັງຫມົດ 12 ບົດ

ຄັ້ງທີ 4 ໃນວັນທີ 30 ກັນຍາ 2022, ພາຍໃຕ້ຫົວຂໍ້: “ການປະຕິບັດກົດຫມາຍໃນໄລຍະການແຜ່ລະບາດ ຂອງພະຍາດ ໂກວິດ-19,”ຊຶ່ງມີບົດຄົ້ນຄ້ວາທີ່ຈະນໍາມາສະເຫນີ ທັງຫມົດ 13 ບົດ, ໃນນີ້ ມີບົດຄົ້ນຄວ້າທີ່ມາ ຈາກ ຄນລ ມຊ; ຄນລ ມຈ; ສະຖາບັນຍຸຕິທໍາແຫ່ງຊາດ, ມ. ຂອນແກ່ນ ແລະ ມ. ມະຫາສາລະຄາມ,

ການຈັດກອງປະຊຸມແຕ່ລະຄັ້ງ ກໍເຫັນວ່າ ຄນລ ປະສົບຜົນສໍາເລັດຢ່າງຫນ້າເພິ່ງພໍໃຈ ແລະມີການເຂົ້າຮ່ວມຢ່າງ ຫ້າວຫັນຂອງບັນດານັກຄົ້ນຄວ້າ ແລະ ທຸກພາກສ່ວນທີ່ກ່ຽວຂ້ອງ ນີ້ສະແດງໃຫ້ເຫັນເຖິງການປະກອບສ່ວນອັນສໍາຄັນ ເຂົ້າໃນການຍົກສູງຄຸນນະພາບການສຶກສາ ແລະ ການຄົ້ນຄວ້າວິທະຍາສາດ ຕິດພັນກັບການສ້າງລັດແຫ່ງກົດຫມາຍຢູ່ສປປ ລາວໃຫ້ມີຄວາມຫນັກແຫນ້ນແລະເຂັ້ມແຂງເປັນກ້າວໆ.

ຂ້າພະເຈົ້າເຊື່ອຫມັ້ນວ່າ ກອງປະຊຸມສໍາມະນາວິທະຍາສາດທາງດ້ານສັງຄົມ-ກົດຫມາຍໃນຄັ້ງນີ້ ຈະບໍ່ສໍາເລັດໄດ້ ຖາ້ປາດສະຈາກການມີສ່ວນຮ່ວມຂອງນັກຄົ້ນຄວ້າ, ຜູ້ຊ່ຽວຊານ ແລະ ບັນດາທ່ານທັງຫມົດທີ່ເຂົ້າຮ່ວມນະທີ່ນີ້. ຕ້ອງຂໍ ສະແດງຄວາມຂອບໃຈເປັນຢ່າງສູງມາຍັງໂຄງການລາວ/037, ສະຖາບັນການຊ່ວຍເຫຼືອທາງດ້ານກົດຫມາຍ ແລະ ວິຊາ ການ(ILSTA), ພະແນກ ຄຄ ວິທະຍາສາດ ແລະບໍລິການວິຊາການ, ຜູ້ແປພາສາ ພ້ອມດ້ວຍທິມງານຄົ້ນຄວ້າ ວິທະຍາສາດທຸກທ່ານທີ່ໄດ້ນໍາພາຈັດຕັ້ງກອງປະຊຸມໃນຄັ້ງນີ້ຂຶ້ນຢ່າງເປັນຜົນສໍາເລັດ,ຂໍອວຍພອນໃຫ້ບັນດາທ່ານຈົ່ງມີຄວາມຜາສຸກ ແລະມີຜົນສໍາເລັດໃນວຽກງານແລະຊີວິດສ່ວນຕົວຂອງບັນດາທານທຸກປະການ,ອວຍພອນໃຫ້ກອງປະຊຸມຈົ່ງປະສົບຜົນສໍາເລັດຕາມລະດັບຄາດຫມາຍ

ລວມພາບບັນຍາກາດ