ກອງປະຊຸມໃຫ່ຍຄັ້ງທີ II ໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຄັ້ງວັນທີ 22 ມີນາ 2019
ຕອນບ່າຍວັນທີ 22 ມີນາ 2019, ໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຄະນະ ນິຕິສາດ ແລະ ລັດຖະສາດມະຫາວິທະຍາໄລແຫ່ງຊາດໄດ້ຈັດກອງປະຊຸມໃຫຍ່ຄັ້ງທີII ຂອງຕົນຂຶ້ນທີ່ຫ້ອງປະຊຸມ B 10 ທີ່ຄະນະນິຕິສາດ ແລະ ລັດຖະສາດພາຍໃຕ້ການເປັນປະທານຂອງສະຫາຍ ວຽງວິໄລ ທ່ຽງຈັນໄຊ ຄະນະພັກຮາກຖານ,ຄະນະບໍດີ ຄະນະນິຕິສາດ ແລະ ລັດຖະສາດ,ມີຜູ້ຕາງໜ້າຈາກ 3 ອົງການຈັດຕັ້ງມະຫາຊົນ, ມີໜ່ວຍພັກຮາກຖານອ້ອມຂ້າງຄະນະນິຕິສາດ ແລະລັດຖະສາດ ມະຫາວິທະຍາໄລແຫ່ງຊາດ, ມີຫົວໜ້າໜ່ວຍ, ຮອງໜ່ວຍ, ຫົວໜ້າຈຸ, ຮອງຈຸພ້ອມດ້ວຍບັນດາສະມາຊິກພັກຈາກ 2 ໜ່ວຍ ທົ່ວຮາກຖານຄະນະນິຕິສາດ ແລະ ລັດຖະສາດເຂົ້າຮ່ວມ.
ໃນພິທີສະຫາຍ ໄພມະນີ ໄຊວົງສາ ຫົວໜ້າໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ,ໄດ້ຂຶ້ນຜ່ານບົດສະຫຼຸບວຽກງານການເຄື່ອນໄຫວໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຕົນໃນໄລຍະຜ່ານມາແລະຜ່ານທິດທາງແຜນການໃນຕໍ່ໜ້າ.
ຈາກນັ້ນໃນທີ່ປະຊຸມໄດ້ມີການປ່ອນບັດ-ຄັດເລືອກເອົາຄະນະບໍລິຫານງານໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຄະນະນິຕິສາດ ແລະ ລັດຖະສາດຊຸດໃໝ່ ສະໄໝທີ II ຈໍານວນ 3 ສະຫາຍ; ຈາກຜູ້ສະໝັກ 5 ສະຫາຍ; ຜົນການປ່ອນບັດ-ຄັດເລືອກແມ່ນສະຫາຍ ແສງທະວີ ອິນທະວົງ ເປັນເລຂາຄະນະບໍລິຫານງານໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຄະນະນິຕິສາດ ແລະ ລັດຖະສາດ, ສະຫາຍ ບຸນເຖີງ ສີທອນແກ້ວຈຳປາ ເປັນຮອງເລຂາຜູ້ທີ 1 ທັງເປັນປະທານກວດກາ, ສະຫາຍ ເຂີງຄຳ ສີຫາລາດ ເປັນຮອງເລຂາຜູ້ທີ່ 2. ໂອກາດດຽວກັນ, ສະຫາຍ ວຽງວິໄລ ທ່ຽງຈັນໄຊ ໄດ້ໃຫ້ຄໍາໂອ້ລົມຕໍ່ກອງປະຊຸມ, ເຊິ່ງກ່ອນອື່ນ ສະຫາຍໄດ້ກ່າວຍ້ອງຍໍ ຊົມເຊີຍຕໍ່ຜົນສໍາເລັດທີ່ຍາດມາໄດ້ໃນໄລຍະຜ່ານມາ, ທ່ານໄດ້ຕີລາຄາສູງ ແລະເປັນເອກະພາບຕໍ່ຜົນງານການເມືອງຂອງ ຄະນະບໍລິຫານງານໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຄະນະນິຕິສາດ ແລະ ລັດຖະສາດ ພ້ອມນັ້ນ ສະຫາຍຍັງໄດ້ຝາກຝັງເຖິງຄະນະບໍລິຫານງານໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຄະນະນິຕິສາດ ແລະ ລັດຖະສາດ ຊຸດໃໝ່ ໃຫ້ເອົາໃຈໃສ່ປະຕິບັດໜ້າທີ່ຂອງຕົນຢ່າງສະເໝີຕົ້ນສະເໝີປາຍ ໂດຍສະເພາະວຽກງານ 4 ບຸກ, ວຽກງານການສຶກສາອົບຮົມການເມືອງ-ແນວຄິດໃຫ້ແກ່ສະມາຊິກໜ່ວຍພັກພາກວິຊາກົດໝາຍແພ່ງ,ອາຍາ,ທຸລະກິດ ຜັນຂະຫຍາຍມູນເຊື້ອອັນດີງາມ ຍາດແຍ່ງເອົາຜົນງານມາໃຫ້ຮາກຖານຄະນະນິຕິສາດ ແລະ ລັດຖະສາດ ກໍຄືສະມາຊິກທຸກຄົນໃນທົ່ວຮາກຖານ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ.
