ກຳມະບານຮາກຖານ ຄນລ, ມຊ ປະຖະກະຖາວັນກຳມະກອນສາກົນ ຄົບຮອບ138 ປີ.

ໃນຕອນບ່າຍວັນພຸດ ເວລາ 13:30-16:00ໂມງ ຂອງວັນທີ 22 ພຶດສະພາ 2024 ກໍາມະບານຮາກຖານ ຄະນະນິຕິສາດ ແລະ ລັດຖະສາດ ໄດ້ຈັດພິທີປະຖະກະຖາເລົ່າມູນເຊື້ອວັນກຳມະກອນສາກົນ (1 ພຶດສະພາ1886 – 1 ພຶດສະພາ 2024) ຄົບຮອບ138 ປີ. ໃຫ້ກຽດປະຖະກະຖາໂດຍທ່ານ ນາງ ອາລຸນແສງ ວິຈິດວົງສາ ຫົວໜ້າກົມໂຄສະນາອົບຮົມ ສູນກາງສະຫະພັນກຳມະບານລາວ, ເປັນກຽດເຂົ້າຮ່ວມຮັບຟັງມີທ່ານ ອາຈານ ປອ.ສົມເດດ ແກ້ວວົງສັກ ປະທານກວດກາຄະນະພັກຮາກຖານ, ຮອງຄະນະບໍດີ ຄະນະນິຕິສາດ ແລະ ລັດຖະສາດ, ມີທ່ານ ອາຈານ.ປອ. ປັນຍາສັກ ແສງອ່ອນແກ້ວ ປະທານຄະນະບໍລິຫານງານກຳມະບານຮາກຖານ ຄນລ ແລະ ບັນດາສະຫາຍໃນຄະນະບໍລິຫານງານ ຕະຫຼອດຮອດສະມາຊິກກຳມະບານ ພະນັກງານ, ຄູອາຈານ ແລະ ນັກສຶກສາ ປີທີ 3 ຂອງ 5 ພາກວິຊາເຂົ້າຮ່ວມ.
ການຈັດຕັ້ງພິທີປະຖະກະຖາໃນຄັ້ງນີ້, ເພື່ອເຮັດໃຫ້ສະມາຊິກກຳມະບານ ໄດ້ຮັບຮູ້ເຖີງມູນເຊື້ອປະຫວັດຄວາມເປັນມາ ແລະ ການເຕີບໃຫຍ່ຂະຫຍາຍຕົວຂອງຂະບວນກຳມະກອນສາກົນ ຕິດພັນກັບການເຕີບໃຫຍ່ຂະຫຍາຍຕົວຂອງຂະບວນການ ກຳມະກອນລາວ ແລະ ເປັນການເສີ່ມຂະຫຍາຍການປະຕິບັດຂໍ້ແຂ່ງຂັນ 5 ເປັນເຈົ້າ ຂອງສະຫະພັນກຳມະບານລາວວາງອອກ.

ຂຽນຂ່າວ ແລະ ຮູບພາບໂດຍ: ທ່ານ ອຈ.ປອ ປັນຍາສັກ ແສງອ່ອນແກ້ວ

ຮູບພາບບັນຍາກາດ