ຄະນະນໍາ ພ້ອມດ້ວຍຄູ-ອາຈານ ແລະ ພະນັກງານ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໄດ້ໄປທັດສະນະສຶກສາ ແລະ ທ່ຽວຊົມງານວາງສະແດງຮູບພາບ 45 ປີ ແຫ່ງການເຕີບໃຫ່ຍຂະຫຍາຍຕົວຂອງ ສ ປປ ລາວ ແລະ ການເຄື່ອນໄຫວປະຕິບັດຂອງ ທ່ານ ປະທານ ໄກສອນ ພົມວິຫານ (ຫລັກ 6)
ໃນຕອນເຊົ້າຂອງວັນທີ 09/03/2021 ຄະນະນຳ ພ້ອມດ້ວຍຄູ-ອາຈານ ແລະ ພະນັກງານ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດໄດ້ເຂົ້າຊົມຫໍພິພິດຕະພັນ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວ ເນື່ອງໃນໂອກາດວັນແມ່ຍິງສາກົນຄົບຮອບ 111 ປີ ນໍາໂດຍ ທ່ານ ຮສ ວຽງວິໄລ ທ່ຽງຈັນ ເລຂາ ຄະນະພັກຮາກຖານ ຄະນະບໍດີ ຄະນະນິຕິສາດ ແລະ ລັດຖະສາດ
ຈຸດປະສົງຂອງການໄປທັດສະນະຄັ້ງນີ້ ກໍ່ເພື່ອເປັນການລະນຶກເຖີງຄຸນງາມຄວາມດີທີ່ທ່ານໄດ້ອຸທິດຊິວີດສຸມທົບສະຕິປັນຍາ ແລະ ຄວາມຮູ້ຄວາມສາມາດຂອງຕົນ ເຂົ້າໃນພາລະກິດປົດປ່ອຍຊາດ ກໍ່ຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ມີຄວາມເຂັ້ມແຮງຕະຫລອດມາ ແລະເພື່ອສະແດງເຖີງຄວາມເຄົາລົບຮັກ ຄວາມກະຕັນຍູຮູ້ບຸນຄຸນ ແລະ ສັນລະເສີນຄຸນງາມຄວາມດີຕໍ່ຜົນງານອັນໃຫ່ຍຫລວງຂອງປະທານ ໄກສອນ ພົມວິຫານ ທີ່ໄດ້ນຳພາປວງຊົນລາວທັງຊາດ ລຸກຮື້ຂື້ນຕໍ່ສູ້ ຕ້ານການຮຸກຮານຂອງພວກຈັກກະພັດຕ່າງລ້າວ ຈົນໄດ້ຮັບໄຊຊະນະ ແລະ ນໍາເອົາຄວາມຢູ່ເຢັນເປັນສຸກ ມາສູ່ປະຊາຊົນລາວບັນດາເຜົ່າ ເຊີ່ງຜົນງານ ແລະ ຄຸນງາມຄວາມດີຂອງທ່ານ ແມ່ນໄດ້ຖຶກຈາລຶກໄວ້ໃນຄວາມຊົງຈໍາຂອງປວງຊົນລາວທັງຊາດ ເວົ້າລວມ ເວົ້າສະເພາະແມ່ນ ພະນັກງານຄູ-ອາຈານຂອງ ຄະນະນິຕິສາດ-ລັດຖະສາດ ມະຫາວິທະຍາໄລແຫ່ງຊາດ ຕະຫລອດການນະນານ
