ກອງປະຊຸມປຶກສາຫາລືກ່ຽວກັບການກະກຽມການສ້າງຮ່າງ, ກຳນົດເນື້ອໃນ ແລະ ຮູບແບບຂອງ ວາລະສານວິທະຍາສາດ ນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ

ໃນລະຫວ່າງວັນທີ 19-21 ມິຖຸນາ 2022 ນີ້, ພະແນກຄົ້ນຄວ້າວິທະຍາສາດ ແລະ ບໍລິການວິຊາການ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ(ມຊ) ໄດ້ຈັດກອງກອງປະຊຸມປຶກສາຫາລືກ່ຽວກັບການກະກຽມການສ້າງຮ່າງ, ກຳນົດເນື້ອໃນ ແລະ ຮູບແບບຂອງ ວາລະສານວິທະຍາສາດ ນິຕິສາດ ແລະ ລັດຖະສາດ; ກອງປະຊຸມໄດ້ຈັດຂຶ້ນທີ່ຫ້ອງປະຊຸມເຮືອນພັກຄູນຊັບ ເມືອງແກ້ວອຸດົມ ແຂວງວຽງຈັນ, ໂດຍການເປັນປະທານຂອງທ່ານ ອຈ. ປອ. ສົມເດດ ແກ້ວວົງສັກ ຮອງຄະນະບໍດີ ຄນລ, ມີບັນດາທ່ານຫົວໜ້າພະແນກ, ຮອງຫົວໜ້າພະແນກ ແລະ ຄະນະຮັບຜິດຊອບທີ່ກ່ຽວຂ້ອງເຂົ້າຮ່ວມ.

ການຈັດກອງປະຊຸມຄັ້ງນີ້ ແມ່ນເພື່ອກໍານົດ ຫຼັກການ, ລະບຽບການ, ຄະນະກຳມະການ, ຂັ້ນຕອນ ແລະ ຮູບແບບ ຂອງວາລະສານວິທະຍາສາດຂອງຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ໃຫ້ຖືກຕ້ອງ, ສອດຄ່ອງກັບມາດຕະຖານທີ່ກຳນົດໄວ້ ແລະ ກາຍເປັນເວທີສົ່ງເສີມຜົນງານທາງວິຊາການຂອງນັກຄົ້ນຄວ້າ, ນັກວິຊາການ ແລະ ນັກສຶກສາ.