ກອງປະຊຸມລົງຊຸກຍູ້ການກະກຽມດຳເນີນກອງປະຊຸມໃຫ່ຍຄະນະພັກຮາກຖານ ຄະນະນິຕິສາດ ແລະ ລັດຖະສາດ,ປະກາດການຈັດຕັ້ງຫົວໜ້າພາກວິຊາກົດໝາຍທຸລະກິດ ແລະ ທາບທາມຮອງຄະນະບໍດີ ຄະນະນິຕິສາດ ແລະ ລັດຖະສາດ

ໃນຕອນເຊົ້າ ວັນທີ 25 ທັນວາ 2023 ນີ້, ຄະນະນິຕິສາດ ແລະ ລັດຖະສາດ (ມຊ) ໄດ້ຈັດກອງປະຊຸມລົງຊຸກຍູ້ການກະກຽມດຳເນີນກອງປະຊຸມໃຫ່ຍຄະນະພັກຮາກຖານ ຄະນະນິຕິສາດ ແລະ ລັດຖະສາດ,ປະກາດການຈັດຕັ້ງຫົວໜ້າພາກວິຊາກົດໝາຍທຸລະກິດ ແລະ ທາບທາມຮອງຄະນະບໍດີ ຄະນະນິຕິສາດ ແລະ ລັດຖະສາດ ທີ່ຫ້ອງປະຊຸມL1ຊັ້ນ II ຄນລ. ໂດຍການເປັນປະທານຮ່ວມຂອງທ່ານ ຮສ. ໂພສີ ທິບດາວັນ ຮອງອະທິການບໍດີ ມະຫາວິທະຍາໄລແຫ່ງຊາດ, ທ່ານ ຮສ. ປອ. ວຽງວິໄລ ທ່ຽງຈັນໄຊ ຄະນະບໍດີ, ມີບັນດາ ທ່ານ ຮອງຄະນະບໍດີ, ຫົວໜ້າພາກວິຊາ,ຫົວໜ້າພະແນກ, ຮອງຫົວໜ້າພະແນກ, ຫ້ອງການຈັດຕັ້ງຄຸ້ມຄອງພະນັກງານ ມຊ,ພະນັກງານຄູອາຈານເຂົ້າຮ່ວມຢ່າງພ້ອມພຽງ.

        ໃນກອງປະຊຸມທ່ານ ຮສ. ປອ. ວຽງວິໄລ ທ່ຽງຈັນໄຊ ຄະນະບໍດີ ຄະນະນິຕິສາດ ແລະ ລັດຖະສາດ ໄດ້ລາຍງານຜົນສຳເລັດໜື່ງປີທີ່ຜ່ານມາ ແລະ ແຜນການຕໍ່ໜ້າ, ໃນພິທີດັ່ງກ່າວ ທ່ານ ນາງ ທອງລວນ ຂາວສະອາດ ຮອງຫົວໜ້າຫ້ອງການຈັດຕັ້ງ ແລະຄຸ້ມຄອງພະນັກງານ ໄດ້ຜ່ານຂໍ້ຕົກລົງວ່າດ້ວຍການແຕ່ງຕັ້ງ ທ່ານ. ອຈ ປທ. ສຸລິຍັນ ລຸນຈັນທາ ເປັນຫົວໜ້າພາກວິຊາກົດໝາຍທຸລະກິດ

        ພ້ອມດຽວກັນນັ້ນ, ທ່ານ ຮສ. ໂພສີ ທິບດາວັນ ຮອງອະທິການບໍດີ ກໍໄດ້ໂອ້ລົມຕໍ່ພິທີ ເຊິ່ງບາງຕອນທ່ານໄດ້ກ່າວວ່າ ຄະນະນິຕິສາດ ແລະ ລັດຖະສາດ ເປັນຄະນະໜື່ງທີ່ພັດທະນາໄວ ແລະ ເປັນຄະນະອັນດັບແຖວໜ້າຂອງມະຫາວິທະຍາໄລ, ພິເສດ ເປັນແຫຼ່ງສ້າງຊັບພະຍາກອນມະນຸດທີ່ມີຄຸນນະພາບເພື່ອສະໜອງສະໃຫ້ແກ່ການພັດທະນາປະເທດຊາດ ເຊິ່ງເປັນຄະນະທີ່ສໍາຄັນ, ສະນັ້ນ ເພື່ອໃຫ້ຄະນະນິຕິສາດ ແລະ ລັດຖະສາດ ໄດ້ຕາມຈຸດປະສົ່ງທີ່ພັກ ແລະລັດວາງໄວ້ນັ້ນ ແມ່ນເປັນຄວາມຮັບຜິດຊອບຂອງບັນດາພະນັກງານຄູ-ອາຈານທົ່ວ ຄນລ. ໃນໂອກາດນີ້ທ່ານຍັງໄດ້ຮຽກຮ້ອງມາຍັງຄະນະນໍາ ແລະບັນດາຄູ-ອາຈານທົ່ວ ຄນລ. ຈົ່ງເອົາໃຈໃສ່ສືບຕໍ່ສ້າງວຽກງານຮັບປະກັນຄຸນນະພາບການສຶກສາ, ການພັດທະນາກ່ຽວກັບບຸກຄະລາກອນ ໃຫ້ຫັນໄປສູ່ການຄົ້ນຄວ້າ ແລະການສ້າງນະວັດຕະກໍາໃໝ່ ແມ່ນໃຫ້ຄຽງຄູໄປກັບວຽກງານກາສອນສິດສອນ,ພ້ອມດຽວກັນນັ້ນໃນກອງປະຊຸມໄດ້ທາບທາມຮອງຄະນະບໍດີ ຄະນະນິຕິສາດ ແລະ ລັດຖະສາດ ໂດຍການປ່ອນບັດເລືອກເອົາຮອງຄະນະບໍດີຄົນໃໝ່.

ຮູບພາບບັນຍາກາດ